اقرأ أيضًا:

قالت أمنية طارق، عروسة كفر الدوار، إنها لم تكن تتوقع أن يصل فيديو كتب كتابها والذي طلبت خلاله من خطيبها أن يشيل أهلها في عينه، إلى 30 مليون مشاهد.
وأضافت "أمنية طارق" في اتصال هاتفي على فضائية "الحدث اليوم" مساء اليوم الأربعاء: "ده كانت طريقتي للتعبير عن الفرحة في كتب كتابي".
وتابعت "استحالة كنت أتوقع أن أي حاجة ممكن تحصل من تشيير هذا الفيديو ومتوقعش أن أي حاجة من الحاجات دي تحصل. كل الإعلاميين والمشاهير وقفوا جنبي ودعموني وفي مقدمتهم الإعلامي عمرو أديب".
واستطردت "الناس من عامة الشعب هما اللي ضدي والدكتور مبروك عطية كان ضدي. وأنا مكنش قصدي حاجة وإني أشاور بصباعي الناس المتعلمة هتعرف أن ده لغة جسد مكنش فيه أي حاجة".
وأردفت "لو رجع بيان الزمن هقول اللي قولتله وهحط الفيديو عندي لأن ده ذكرى ولكن مكنتش أتمنى أنه يتشير بهذه الطريقة السلبية وأنا شكرت كل اللي هاجموني وانتقدوني".
واستكملت حديثها "زوجي مضايق من اللي حصل لأنه جديد علينا وبدأ واحدة واحدة يتقبل الموضوع وهو عرف إني معملتش أي حاجة غلط وأنا لما عليت صوتي كان علشان الدنيا كانت دوشة".
واختتمت كلامها بتوجيه رسالة إلى زوجها قائلة "ربنا يبارك ليا فيك وتفضل سندي وربنا ميبعدناش عن بعض".
اقرأ أيضًا:
وكانت انتقدت الإعلامية مفيدة شيحة، ما قامت به عروسة كفر الدوار وما طلبته من خطيبها أثناء كتب كتابهما بأنه يشيل أهلها في عينه، ولاسيما بعد حالة الجدل التي انتشرت مؤخرًا.
وقالت "مفيدة شيحة" خلال تقديم برنامجها "الستات" المذاع على فضائية "النهار" اليوم الأربعاء: "مش هو ده الوقت خالص وكأن هي الوحيدة بس اللي حافظة الحديث الشريف، ما تكتبي الكتاب وتفرحي".
وأضافت "أنا أسفة بس مع احترامي لحضرتك بس ده كتير وانتي تبحثي عن التريند. وإحنا زهقنا وقرفنا، كفايا بقى زهقنا، أنا كمفيدة مش كمذيعة زهقت".
وتابعت "العروسة بتقول واحدة صاحبتها نشرت الفيديو. وبعدين ترجع تقول بتهاجموني وكده يا بنتي هو مين اللي عرض الفكرة ".
واستطردت "مرض الشهرة أصبح شئ موجود بقوة بين كل الناس خلال الفترة الأخيرة، وخاصة بعد أن أصبح لدينا وسيلة تجعلنا مشاهير وهي السوشيال ميديا".
وفي ذات السياق قالت الإعلامية سهير جودة، إنها تتعاطف مع عروسة كفر الدوار خاصة أنها قالت إن صديقها هي التي قامت بنشر الفيديو وأنها كانت فرحانة بيها.
وأضافت "سهير جودة" في ذات حلقة البرنامج "خلينا نبقى منصفين أنا متعاطفة معاها خاصة أنها طلعت وقالت أنها مش هي اللي نشرت ولو هي اللي نشرته تبقى تستاهل الكلام اللي أنتي قولتيه".

DMCA
PROTECTED