انتقدت الإعلامية مفيدة شيحة، ما قامت به عروسة كفر الدوار وما طلبته من خطيبها أثناء كتب كتابهما بأنه يشيل أهلها في عينه، ولاسيما بعد حالة الجدل التي انتشرت مؤخرًا. وقالت "مفيدة شيحة" خلال تقديم برنامجها "الستات" المذاع على فضائية "النهار" اليوم الأربعاء: "مش هو ده الوقت خالص وكأن هي الوحيدة بس اللي حافظة الحديث الشريف، ما تكتبي الكتاب وتفرحي". أنتي تبحثي عن التريند وأضافت "أنا أسفة بس مع احترامي لحضرتك بس ده كتير وانتي تبحثي عن التريند. وإحنا زهقنا وقرفنا، كفايا بقى زهقنا، أنا كمفيدة مش كمذيعة زهقت". وتابعت "العروسة بتقول واحدة صاحبتها نشرت الفيديو. وبعدين ترجع تقول بتهاجموني وكده يا بنتي هو مين اللي عرض الفكرة ". الشهرة بقت مرض موجود بقوة بين كل الناس واستطردت "مرض الشهرة أصبح شئ موجود بقوة بين كل الناس خلال الفترة الأخيرة، وخاصة بعد أن أصبح لدينا وسيلة تجعلنا مشاهير وهي السوشيال ميديا". سهير جودة تُعلن تعاطفها مع عروسة كفر الدوار في هذه الحالة وفي ذات السياق قالت الإعلامية سهير جودة، إنها تتعاطف مع عروسة كفر الدوار خاصة أنها قالت إن صديقها هي التي قامت بنشر الفيديو وأنها كانت فرحانة بيها. وأضافت "سهير جودة" في ذات حلقة البرنامج "خلينا نبقى منصفين أنا متعاطفة معاها خاصة أنها طلعت وقالت أنها مش هي اللي نشرت ولو هي اللي نشرته تبقى تستاهل الكلام اللي أنتي قولتيه". أنا معملتش أي حاجة ولقيت نفسي متبهدلة وفي وقت سابق علقت أمنية طارق، عروسة كفر الدوار، على الهجوم الذي تعرضت له من مواقع التواصل الاجتماعي بعد انتشار الفيديو. وقالت "أمنية طارق" باكية في مداخلة هاتفية مع الإعلامي عمرو أديب ببرنامج "الحكاية" المذاع على فضائية "إم بي سي مصر": "أنا معملتش أي حاجة ولقيت نفسي متبهدلة خالص". وأضافت "ده كان كتب كتاب فقط وأهلي وأهل جوزي كانوا موجودين وكنت حابه أقوله كلمتين كويسين وقولتله أنا مش هلاقي أرجل منه وبعد ما لقيت الدموع في عين أهلي لأن أنا بنت وحيدة طلبت منه أنه يشيل أهلي في عينه". صحابي اللي صوروا ورفعوا الفيديو وجوزي مضايق وتابعت "أنا كنت متوترة وبعدها لقيت كومنتات سلبية وجوزي متبهدل أصحابي اللي صوروا الفيديو ورفعوا وكانوا فرحانين بيا ومكنش قصدهم أي حاجة". واستطردت "جوزي مضايق الكومنتات زي الزفت بيبهدلونا وكسروا فرحتنا مش عارفين ننام حرفيًا وأنا الكلام اللي قولته مفيهوش أي غلط". بوظوا عليا فرحتي وإحنا مطلقناش بس الدنيا صعبة وأردفت "جوزي مضايق من الكومنتات السلبية وأنا مأخدوش بالساهل وأنا خارجة من بيت الست فيها ست والراجل راجل فكنت حابة ابسطه وسط كل اللي قاعدين ويوم حلو وحبيت اشكره وأقوه أنت أعظم انتصاراتي". واستكملت حديثها "إحنا مطلقناش بس الدنيا صعبة ومضغوط علينا وأنا متهانة ونفسيتي زي الزفت وأنا لما قولت أمي ثم أمي ثم أمي استشهدت بحديث النبوي وكنت بضحك وأهزر ودي اقل حاجة أقدمها لهم بعد ما ربوني وعلموني". وتابعت "بوظوا عليا فرحتي وجوزي سيد الرجالة وأنا مندمتش إني اخترتك وأنت أحسن حد في حياتي ومتسمعش كلام حد ومبسوطة بوجودك في حياتي". DMCA PROTECTED
