علقت أمنية طارق، عروسة كفر الدوار، على الهجوم الذي تعرضت له من مواقع التواصل الاجتماعي بعد انتشار فيديو لها أثناء كتب كتابها وهي تطلب من خطيبها أن يشيل أهلها في عينه.
وقالت "أمنية طارق" باكية في مداخلة هاتفية مع الإعلامي عمرو أديب ببرنامج "الحكاية" المذاع على فضائية "إم بي سي مصر": "أنا معملتش أي حاجة ولقيت نفسي متبهدلة خالص".
وأضافت "ده كان كتب كتاب فقط وأهلي وأهل جوزي كانوا موجودين وكنت حابه أقوله كلمتين كويسين وقولتله أنا مش هلاقي أرجل منه وبعد ما لقيت الدموع في عين أهلي لأن أنا بنت وحيدة طلبت منه أنه يشيل أهلي في عينه".
وتابعت "أنا كنت متوترة وبعدها لقيت كومنتات سلبية وجوزي متبهدل أصحابي اللي صوروا الفيديو ورفعوا وكانوا فرحانين بيا ومكنش قصدهم أي حاجة".
واستطردت "جوزي مضايق الكومنتات زي الزفت بيبهدلونا وكسروا فرحتنا مش عارفين ننام حرفيًا وأنا الكلام اللي قولته مفيهوش أي غلط".
وأردفت "جوزي مضايق من الكومنتات السلبية وأنا مأخدوش بالساهل وأنا خارجة من بيت الست فيها ست والراجل راجل فكنت حابة ابسطه وسط كل اللي قاعدين ويوم حلو وحبيت اشكره وأقوه أنت أعظم انتصاراتي".
واستكملت حديثها "إحنا مطلقناش بس الدنيا صعبة ومضغوط علينا وأنا متهانة ونفسيتي زي الزفت وأنا لما قولت أمي ثم أمي ثم أمي استشهدت بحديث النبوي وكنت بضحك وأهزر ودي اقل حاجة أقدمها لهم بعد ما ربوني وعلموني".
وتابعت "بوظوا عليا فرحتي وجوزي سيد الرجالة وأنا مندمتش إني اخترتك وأنت أحسن حد في حياتي ومتسمعش كلام حد ومبسوطة بوجودك في حياتي".
من جانبه علق الإعلامي عمرو أديب، "عروسة كفر الدوار كانت بتكتب الكتاب قالت بكل أدب وحياء لها شرط أنه ياريت جوزها يأخذ بالها من أهلها".
وأضاف "قالت أمي ثم أمي ثم أمي مكنش فيه اشتراط وأي مبالغة للأسف منها لله السوشيال ميديا واحدة صاحبتها مشكورة صورتها ورفعت الاستوري ومصر والعالم العربي يتحدثون عن عروس الصوباع وكانت هادية وجميلة وعظيمة".
وتابع "السوشيال ميديا حمام كبير بيصدر منه الروائح الكريهة". متسائلًا "البنت بتاعت كفر الدوار عملت إيه غلط؟".
DMCA
PROTECTED