خالد عليش ينتقد قانون رؤية الأب: ليه الست دايمًا هي اللي مظلومة

انتقد الفنان خالد عليش، قانون رؤية الأب من خلال حسابه الشخصي بموقع "فيس بوك"، حيث كتب: "في حالة الخلاف الأسري الحاد و عدم وجود من يُحترم رأيه في العائلة لأي من الطرفين و عدم القدرة علي حل المشاكل الأسرية وديًا و الوصول لحائط مسدود لسوء تنظيم المسائل الاسرية بعد الانفصال خصوصا في وجود أطفال" .
أضاف، ""يتم اللجوء الي القانون و طلب حق الرؤية المشروع للاب و في حالة انصاف القانون ليه اوي .. هيقدر ياخد حوالي كم ساعة يشوف فيها الطفل في مكان عام بشروط معينة مع وجود الام اللي بينه و بينها حالة خلاف اصلا."
تابع، ""ازاي ممكن يكون فيه تربية سليمة لطفل بيشوف ابوه كم ساعة في الاسبوع و تعنت الام انه حتي يوصل لابوه تليفونيا ؟؟ ازاي يكون في تربية سليمة لطفل مش بيبات في حضن ابوه يوم واحد في الاسبوع حتي ؟؟".
أردف، "ازاي يكون في تربية سليمة لطفل القانون بيدي لأمه كل حقوقها كاملة و مش بيدي لابوه غير انه يشوفه كم ساعة و في حالة امتناع الام و رفع دعوة اسقاط حضانة توديه مرة وكأن شئ لم يكن و تبدأ الرحلة من جديد في طلب الرؤية و الطفل هو الخسران الوحيد، "ازاي طفل يعيش مبسوط و هو مش عارف يخرج او يسافر او يتفسح مع ابوه و لا حتي ابوه يكون ليه حق ياخده من المدرسة غير باذن الام عشان لو حصل يعتبر الاب خاطف لابنه."
أوضح، "ازاي اب يستحمل انه مش عارف يشوف ابنه و عمال يتفرج عليه علي فيسبوك مع امه في حفلات و سفر و غيره. عشان قرر ينفصل عن امه يكون عقابه ما يشوفش طفله يعني حق ربنا سبحانه و تعالي اداهولنا و احنا بنعاقب بعض عليه."
أكمل، "ليه الست دائما مظلومة ؟ ليه رواية الست دائما صح ؟؟ ليه الست تصمم تصرف مصاريف ملهاش اي تلاتين لزمة بعد الانفصال علي الاولاد ماكنتش بتتصرف قبل كده لمجرد الادعاء بان الاب يمتنع عن الدفع !! ليه الفيمنيست مصممين ان الست صح حتي لو مبهدلة ابنها و مانعة انه يشوف ابوه ؟؟" الإجتهاد في تربية الام للطفل و انه يروح تمارين كلها مهمة بس انه يشوف ابوه اهم بكتير . الجملة الشهيرة دائما بتقول ان القانون مع الست طب جدة الطفل و عمته مش ستات حقهم هما كمان يشوفو الطفل اللي هو حتة منهم برضه."
واختتم حديثه قائلًا: "متشجعوش ام مانعة اب يشوف ولاده خصوصا لو بيصرف عليهم كويس اوي و مدخلهم احسن مدارس عشان الطفل هو الوحيد الخسران في العند بينهم. ارجو من الجميع لما اي ام تتكلم قدامك و تقول اصله ما بيشوفش باباه قولها روحي انتي وديهوله عشان حساب ربنا اقوي من اي حد "نصيحة كمان مهمة متطلقوش و معاكم اطفال في حالة عدم وجود لغة حوار بينكم عشان اكيد مش هيكون في لغة حوار بعد الانفصال الافضل عيشوا تعساء عشان العيال اخيرا ده مش بوست شخصي بس مهم الدولة تهتم عشان مع زيادة حالات الطلاق في اطفال كتير بتدمر نفسيا من الاب و الام و عندهم مع بعض و حسبي الله و نعم الوكيل".

أخبار الفنخالد عليشطليقة خالد عليش