والدة فتاة الغربية المنتحرة باكية تكشف اللحظات الأخيرة في حياة بنتها

كشفت هناء والدة فتاة الغربية المنتحرة بسنت خالد، تفاصيل المكالمة الأخيرة بينها وبين نجلتها قبل أن تفارق الحياة بعد انتحارها بسبب نشر صور عارية مفبركة لها وفيديو عبر مواقع التواصل الاجتماعي.
وقالت والدة بسنت خالد في حوارها ببرنامج "تفاصيل" المذاع على فضائية "صدى البلد" اليوم الأربعاء: "كانت بتكلمني وقالتلي بالله عليكي أنا كلت وشربت خدي علاجك وكلي وشربي وأنا هجيلك الصبح وهبقى أحسن من الأول".
وأضافت "رجلي مكنش بتتحرك وأول ما طلع الصبح روحت علشان أشوفها. لقيت بنتي في حالة ميؤس منها عرفت أنها مش نافعة مكنش فيها أمل".
وتابعت "أنا شميت ريحة الحباية كانت قالبة ريحة الدار كلها واتصلنا بأبوها علشان يجيب أي موصلة علشان ألحق بنتي. أنا دلوقتي عايزة حق بنتي متستاهلش اللي حصلها ده كله".
واستطرد " كانت حافظة القرآن وكانت بتقولي نفسها تبقى دكتورة وكانت بتطلع من الأوائل. وإحنا نعرف واحد من اللي عملوا كده وعايزة القصاص وعدل ربنا والدنيا كلها موجوعة علشانها".
الغربيةانتحاراهم الاخباربسنت خالدفتاة الغربية المنتحرةوالدة فتاة الغربية المنتحرة