رسميا.. رئيس الإسماعيلي يعرض نجم الفريق للبيع

أعلن يحيى الكومي رئيس نادي الإسماعيلي، عرض نجم الفريق الأول لكرة القدم بالنادي، شكري نجيب، للبيع بشكل نهائي بعد أزمته الأخيرة مع النادي.
وقال الكومي في تصريحات تلفزيونية "شكري نجيب لاعب كويس ولكن في حاجة مش مظبوطة، شكري وعنده مشكلة قد تكون عائلية بنسبة كبيرة حسب ما بيقول، عرضنا عليه يكون أعلى عقد في النادي وهو رافض".
وأضاف "ده عقده الأخير في النادي، عقده ينتهي في نهاية الموسم، شكري نجيب بيلاوعنا ويراوغ النادي بشكل غريب، قعدنا اكتر من 6 او 7 مرات معاه، واحنا مش صغيرين ده زي ابننا".
وواصل "شكري نجيب بيتكلم بأسلوب مش حلو، شكري نجيب مش هيلعب في نادي الإسماعيلي تاني، لو جاله اي عرض وهو موافق هنوافق، هيتدرب عادي بس مش هيلعب معانا".
واختتم رئيس الإسماعيلي تصريحاته "نعرض شكري نجيب للبيع ولو رغب أي نادي في ضمه فلن نمانع".
المدير الفني الجديد للنادي الاسماعيليالنادي الاسماعيليشكري نجيبنادي الاسماعيلي