عمر كمال ل جمهوره: "أنا بطلت أصلي في المسجد نهائي"

تعرض عمر كمال، مطرب المهرجانات لحملة انتقادات واسعة، بعد نشر صورته مع الشيخ مبروك عطية، ليخرج عمر عن صمته ويكتب على حسابه الشخصي بموقع "فيس بوك"، " اتصورت صورة وأتشرف بده مع فضيلة الشيخ مبروك عطية، في لقاء هيتذاع معاه في رمضان إن شاء الله، وحلقة كلها خير وكلام محترم".
أضاف، "كلام الناس وتعليقاتهم حسستني أنه متصور مع يهودى أو كافر أو مرتد أو إنسان لا مؤاخذة وهيدنس الشيخ، وكومنتات ازاى ده يتصور مع ده، مع إنى مش وحش للدرجة ديه، زى بالظبط ما خلونى أبطل أفكر أصلى في المسجد".
تابع، "أول ما أخش بحس أنى إنسان منبوذ، والناس بتبصلى بصة غريبة، لدرجة سمعت واحد بيقول للتانى أقف جمبه أنت لاحسن ربنا ميتقبلش منى صلاة".
أردف، "ومش بقول إنى مقطع السجادة، أنا زى أى إنسان بيقطع في الصلاة وبيرجع، بس ساعات ببقى حابب أدخل المسجد، وفعلا بطلت ده من الناس".