فتاة تستغيث على الفيسبوك بالسيسى بعد هروب عريسها وسرقة عزالها.. فيديو

تداول مستخدمى مواقع التواصل الإجتماعى مقطع فيديو أشعل صفحات الفيس بوك ومستخدميه حيث ظهر فى الفيديو فتاة فى مقتبل عمرها تحكى تجربتها التى مرت بها قبل زفافها بأيام وصدمتها فى الرجل الذى كان سيشاركها حياتها المستقبلية ولكنه قام بفعل غريب .
حيث قالت الفتاة " زى أى عروسة برن عليه عشان عاوزة توريله فستان الفرح مردش عليا وتليفونه اتقفل حاولت ارن من تليفونات تانية تليفونه مقفول اتصلت علي والده قالى انا معرفش ابنى فين وقالى اخطبى راسك فى الحيطة قولتله خلاص ماشى روحت بيتنا وبابا بعت لوالده قاله احنا منعرفش عن ابننا حاجة ولو لقيته اعمل فيه اللى انت عاوزه احنا منعرفش عنه حاجة ".
وتسألت " الفرح قرب والناس معزومة وكل حاجة جاهزة وفجأة مرة واحدة العريس ميظهرش .. ازاى عروسة من غير عريس .. وانا فرحة أبويا واحنا فى أرياف والناس بتتكلم لية سابها ومشى وانا بنت ومن حقى افرح واعيش زى أى بنت فى الدنيا ".
واستكملت حديثها " بعتنا عمى الشقة فى اكتوبر لانه كان بيفرشها معايا وشايف كل حاجة موجودة راح ملقاش حاجة حتى الأكل اللى والدتى كانت عملاه وطبعا الكل عارف الاكل عند الفلاحين بيبقى اد اية وازاى , اتصلنا بوالده زعقلنا وقالنا ملكوش حاجة ولا فرش ولا اى حاجة وقدمنا فيه محاضر وأى محضر يروحله على البيت يديله فلوس ويمشى يقوله كانك مشوفتناش لمدة سنة منعرفش عنه أى حاجة وانا فكرته ميت ".
وتابعت قائلة " بعد سنة وانا ماشية فى شارع فى الزقازيق قابلته صدفة قبل رمضان بأسبوع وانا واقفة مصدومة بقوله انت عايش قالى اه قولتله انت لية عملت فيا كدا قالى انتى مين انا معرفكيش وبعد انكار شديد منه انى مش مراته وانا قعدت اصرخ لحد ماقالى خلاص اهدى وكل اللى انتى عاوزاه هعملهولك لحد ماروحنا البيت وقالى ابويا غصب عليا اسيبك واتجوز واحدة تانية غيرك والعفش اتجوزت عليه ".
شاهد باقى الفيدو