"مش متصاحبيبن لله وللوطن".. فتاة تشعل السوشيال ميديا ب فيديو الراجل لازم يصرف عليكى

تداول رواد مواقع التواصل الإجتماعى مقطع فيديو أشعل مستخدميه حيث ظهر فى الفيديو فتاة فى أواخر العقد العشرين وهى تتحدت عن مسئوليات الشاب تجاه الفتاة أثناء وجود فى علاقة عاطفية تجمعهم حيث قالت " الرجالة بتبان من المواقف كويس أوى مش معنى أنه يقولك بحبك أو يجيبلك هدية أو يخرجك خروجة فظيعة أو يعرفك على صحابه دا معناه أنه بيحبك لا , هتيجى بجد تحطيه فى مواقف ليها حاجات فاصلة ويخلع تعرفى ان دا واطى ومكنش بيحبك , أو تعال اتقدملى what ! أو مثلا حبيبى ادينى مصروف what! أو حبيبى عاوزة اروح للكوافير هى 100 جنيه مش بتكلم فى الغالين دلوقتى اللى بيدفعوا 10 الاف جنيه ."
واستكملت حديثها " جربوا كدا ياجماعة تقولولهم ممكن تدينى مصروفى يعنى وانتوا ف الجامعة قوليله هيقولك انا باخد مصروفى زيك طيب ماشى بلاش بتوع الجامعة لسة أطفال والمفروض نصرف عليهم زى مابنصرف على عيالنا , اللى بيشتغلوا فهو مسئول عنك يديكى مصروف ويصرف عليكى ويأكلك ويشربك ويديكى فلوس الكوافير واللى يقول غير كدا يبقى حمار ومبيفهمش , والناس بتوع الدفاع عن الرجل متتكلموش انتوا ليكوا واجبات ياحبيبى انتوا مش متصاحبين كدا لله وللوطن ".
وانتشر هذا الفيديو على صفحات الفيس بوك بشكل واسع وأثار سخرية مستخدميه من شباب وفتيات وانهالت التعليقات والمشاركات على هذا الفيديو وجاءت بعض التعليقات كالتالى :
" تخيلت نفسي خاطب بنت شقية اسمها ميرهان من سكان مدينتي وتيجي تقولي بيبي انا عايزة 2000 جنيه اشتري ديب لاينر جديد من MAC عشان اللي عندي وقع واتكسر . ونضرب بعض بمخدات قطن بعد الجواز ونرمي الدقيق في المطبخ علي مناخير بعض ونعمل حاجات شقية كتير . اظرطي يا حبيبتي ، اظرطي ."
"خطوبة ايه اللي يصرف عليكي فيها ايه البجاحة دي ..ازاي تقبلي انتي وأهلك الاستنطاع ده"
"أنتى وخداه يصرف عليكى بقى . ويجيلك قلب أزاى تطلبى منه فلوس أبت"