"بالفيديو" أسما شريف منير توجه نصيحة لجمهورها.. تعرف عليها

وجهت الإعلامية أسما شريف منير ابنة الفنان شريف منير، نصيحة لجمهورها عن أهمية الاستيقاظ مبكرًا، بمقطع فيديو عبر حسابها الشخصي بموقع الصور انستجرام.
وعلقت أسما: "‫الإنسان العادي بينام 26 سنة في حياته، بنقضي ثلث حياتنا نايمين ، إذا افترضنا أن متوسط عمره 75 سنةالنوم بيستحوذ على 40% من أيام البشر، ده اللي هو 8 ساعات في اليوم، مع انه رقم يخض بس هو استثمار في محله؛ لتحسين صحتك الجسدية والعقلية، و ده قدر كافي من النوم يقوي المناعة وبيزيد من الخصوبة وبينظم الوزن".
وأضافت أسما: "وفي المتوسط الواحد بيتقلب في سريره حوالي 7 سنين عشان بس يحاول ينام ، و يمكن اكتر فا الواحد لازم يدور علي طرق تساعد على الاسترخاء ومحاربة الأرق، زي القراءة وتمارين التنفس أو حمام دافي.. انا نمت كتير اوي في حياتي كا نوع من انواع الهروب من واقع مزعلني او حاجه واقفه قدامي مش عارفة احلها، و نمت في حملي كتير برضه، فا حسه ان فاتني كتير فا يومي اتشقلب و نومي اتشقلب و انا بحاول احتج و اقول لنفسي كفايه نوم و استسلام بقي، فا طبقت كتير و ده اثر عليا نفسياً و جسديًا".
وتابعت أسما: "فا اخدت قرار اني لازم اظبط نومي و اصحي بدري و انام بدري عشان الواحد من غير صحته كل حاجه في حياته بتكون اصعب عليه و علي اللي حواليه.. ناموا بدري و اصحوا بدري و مضيعوش عمركم في النوم الكتير اللي مش مش مفيد او حتي عشان تهربوا".
واختتمت أسما: "واجهوا و ناموا في الوقت الصح و اصحوا في الوقت الصح و استمتعوا بيومكم و حياتكم لان في 26 سنه اصلاً ضايعه من حياتنا في النوم.. اتفقنا؟ اتفقنا يا رب يكون يومكم انهارده مليان طاقة و سعاده.. صباح النور ☀️".


View this post on Instagram

‫الإنسان العادي بينام 26 سنة في حياته، بنقضي ثلث حياتنا نايمين ، إذا افترضنا أن متوسط عمره 75 سنة ‬ النوم بيستحوذ على 40% من أيام البشر، ده اللي هو 8 ساعات في اليوم، مع انه رقم يخض بس هو استثمار في محله؛ لتحسين صحتك الجسدية والعقلية، و ده قدر كافي من النوم يقوي المناعة وبيزيد من الخصوبة وبينظم الوزن. وفي المتوسط الواحد بيتقلب في سريره حوالي 7 سنين عشان بس يحاول ينام ، و يمكن اكتر فا الواحد لازم يدور علي طرق تساعد على الاسترخاء ومحاربة الأرق، زي القراءة وتمارين التنفس أو حمام دافي.. انا نمت كتير اوي في حياتي كا نوع من انواع الهروب من واقع مزعلني او حاجه واقفه قدامي مش عارفة احلها، و نمت في حملي كتير برضه، فا حسه ان فاتني كتير فا يومي اتشقلب و نومي اتشقلب و انا بحاول احتج و اقول لنفسي كفايه نوم و استسلام بقي، فا طبقت كتير و ده اثر عليا نفسياً و جسديًا فا اخدت قرار اني لازم اظبط نومي و اصحي بدري و انام بدري عشان الواحد من غير صحته كل حاجه في حياته بتكون اصعب عليه و علي اللي حواليه. ناموا بدري و اصحوا بدري و مضيعوش عمركم في النوم الكتير اللي مش مش مفيد او حتي عشان تهربوا.. واجهوا و ناموا في الوقت الصح و اصحوا في الوقت الصح و استمتعوا بيومكم و حياتكم لان في 26 سنه اصلاً ضايعه من حياتنا في النوم.. اتفقنا؟ اتفقنا يا رب يكون يومكم انهارده مليان طاقة و سعاده صباح النور ☀️
A post shared by (@asma.sherif.moneer) on Aug 23, 2020 at 11:28pm PDT