نشطاء التواصل الاجتماعي يسخرون من انقلاب تركيا.. حسن: الناس اللى بتنام 10 بليل مش هتصدق.. مريم: أقصر مسلسل تركي.. نيفين: الجيش دخل القصر بحثًا عن «بوكيمون».. ياسر: تعبت من المفاجأة ونزلت دمعتي

انتشرت حالة من السخرية على مواقع التواصل الاجتماعي "فيس بوك وتويتر" بسبب فشل الانقلاب العسكري في تركيا خلال فترة لم تتعد الخمس ساعات، وسخر النشطاء على قصر الفترة التي أخذها المشهد على شاشات التليفزيون، مشيرين إلى أن الذين ينامون مبكرًا لن يصدقوا أن هناك انقلابا وقع في تركيا.
مش هتصدق
قال حسن داري: "الناس اللى بتنام من الساعة 10 بليل مش هتصدق لما تصحى إنه في انقلاب عسكري حصل وفشل".
وأضافت داليا عبد الله: "أنا واحدة نمت المغرب صحيت 4 الفجر لقيت العالم الافتراضى كله بيتكلم عن انقلاب وفشل كمان.. ودى فايدة النوم بدرى بيفوتك هرى كتييير".
وعلق فهمي العبادي: "واحد يقول: زوجتي اتصلت تقول صار انقلاب بتركيا وفشل الانقلاب ورجع أردوغان وانت ما رجعت للبيت!!! أقنعتني بصراحة".
وردت مريم: "أقصر مسلسل تركي.. عاجل: انقلاب في تركيا.. عاجل: أردوغان يطلب من شعبه الخروج.. عاجل: الجيش ينسحب من المطار.. عاجل: فشل الانقلاب".
وتابع مستر مايند: "أسرع انقلاب في التاريخ.. تركيا.. يعنى لو كنت نازل تجيب عشاء لنفسك ممكن يكون فاتك بدايته ونهايته".
حصل فجأة
وقال عبد الرحمن رمضان الشعار: "مش صعبان عليا قد الناس اللي هتقوم الصبح في تركيا ونقعد نفهم فيهم إن كان فيه انقلاب بالليل واتلم في 3 ساعات بس.. مش هيصدقوا صح".
وأضاف ياسر أبو زيد: "انقلاب تركيا حصل فجأة وسقط فجأة وتعبت من المفاجأة ونزلت دمعتي".
وعلق دوحة زكي: "حصل انقلاب الساعة 12 منتصف الليل في تركيا.. الساعة 2 بعد نص الليل الانقلاب كان ملموم والناس مقبوض عليها.. إيه يا جدعان ده.. ده لو كارت فودافون فكة كان قعد أكتر من كده".
ورد عمار الشجاع: "ما الفرق بين انقلاب تركيا وصدارة ريال مدريد الموسم الماضي كلهم 3 ساعات".
وتابعت نيفين أبو حسن: "ما في انقلاب في تركيا ولا أي شي من هالحكي اللي صار أنه قادة الجيش التركي دخلوا القصر الملكي بحثًا عن البوكيمون".
الوقت الضايع
وقال أحمد سيد: "انقلاب تركيا خلص في أقل من الوقت الضايع اللي بياخده الأهلي".
وأضاف محمود: "هو فيه كدة في الدنيا يتعمل انقلاب ويفشل وأنا لسه مصحتش من النوم - دي تركيا يا جماعة".
وعلق حمادة النجار: "يا جدعان انقلاب إيه أنا سمعت في انقلاب في تركيا روحت أعمل شاي رجعت لقيتهم بيقولوا الانقلاب خلص!!".
ورد محمد جمال: "أقصر طابور مرضى في أي مستشفى حكومى في مصر مدته أطول من انقلاب تركيا الفاشل‬".
وتابع محمد عجينة: "دولة في الناتو من سنة 52 عندها انقلاب كل 10 سنين أغلبهم فاشل وآخرتها جيشهم يبقي ده منظره بلابيص".