"عشان سابها".. فتاة تدمر حياة شاب بالإتفاق مع والدها وشقيقها بالإسكندرية

كما يصنع الحب المعجزات فهو أيضا قد يصنع المجرمين بسبب التصرفات التى يفعلونها بسبب هذا الحب , ذلك ما حدث مع القصة المتداولة على الفيس بوك حيث صنعت مجرم ودمرت حياة شاب أخر وحققت فضيحة لفتاة أقبلت على هذه قصة الحب وتعاملت معها بمنتهى الإهمال والأنانية .
فقد نشرت تدعى " بسمة الله كامل " على صفحتها الشخصية على الفيس بوك قصة حقيقة حدثت مع أخيها الذى تدمرت حياته بسبب حبه لفتاة لمدة 5 سنوات وبدأت فى ملاعبته والبعد عنه ثم تعود إليه مرة أخرى ولكن بعد محاولات من أهله بالبعد عن هذه الفتاة ولكن بدأت هذه الفتاة فى ملاحقته مرة أخرى التى لم تستوعب أن ذلك الشاب قام برفضها والبعد عنها لذلك قررت أن تنتقم منه فقامت بإخبار والدها وشقيقها والذين اتفقوا مع بإستدراجها هذا الشاب للإنتقام منه.
وجاءت تفاصيل القصة كالتالى :
"اخويا الي حصل فيه كده و مش بوست نقلاه
جماعه بعد اذنكوا ساعدوني في الشير مش عايزه حق اخويا يروح !!!!!
اخويا كان بيحب واحده من خمس سنين و كانوا مع بعض هو بجد كان بيحبها جدا و كان بيعملها كل حاجه علشان تفضل معاه و كانت بتسيبه و ترجعله بمزاجها
جت من كام شهر قالتله انا زهقت منك و مش عايزاك
جت يوم عيد ميلاده كلمته و فضلت تكلمه شهر بس احنا مكناش موافقين و فضلنا نقنع فيه انه يبعد عنها لانها مش كويسه و هو كان متخيل انها اتغيرت
بس جيه بعد عنها خلاص لانه اقتنع بالكلام ف هى تقريبا كانت متفاجا انه ازاي اخويا يسيبها كده ومرضاش يرجعلها بعد مكان بيموت فيها
عشان تنتقم من اخويا انه سابها جت قالت ل اخوهاا ان اخويا مش سايبها في حالها و بيزلها و خانقها في حياتها و اقسم بالله هى الي كانت بتجري وراه والله العظيم
جت النهارده كلمته و قالتله انزل قبلني عند سان ستيفنو ووهتلاقي العربيه لونها احمر و تعالى
محمد نزل و مكنش متوقع ان يحصل اللي حصل
اخوها اللي منه لله هو و ابوها كتفوا اخويا فالعربيه و ضربه على دماغه علشان اخويا يغمى عليه بس ربنا قدر و لطف و محمد ميحصلهوش حاجه
راح جي مطلع مطوى و قطعله وريد في ايده و جروح كتير في ايده من سبب اخته الي ربنا ينتقم منها يارب بجد
و الولد هربان دلوقتي قدرنا نوصل ل باباه و البوليس اخد باباه و هيطلعوه بكره و الولد هربان لحد دلوقتي
وباباه لواء متقاعد وهيطلع منها بسهوله
واخويا مش هيدخل الكليه الحربيه او الشرطه الي كان نفسه فيهم و كان خلاص مقدم فيهم و بينزل تدريبات و كل حاجه من سبب شخص مترباش قبل كده و ضيع حلمه خلاص كده
اسم الولد اللي ضربه محمد اشرف في الاكاديميه البحريه في سنه رابعه
ارجوكم اعملو شير عشان نحرمه من التخرج زي ماحرم اخويا من الكليه اللي نفسه فيها
حسبنا الله و نعم الوكيل فيهم
انا مش عايزه غير ان يتكسر بخاطره زي ما عمل مع اخويا
#محمد_اشرف_بلطجي "