تك ..تك دكتور ايمن بيلعب بقلم سوستة وقاعد قدامى بيفكر.. امير: كفاية يادكتور ايمن صدعت من التكتكة دى ايمن: مممم بقى دعاء بتقول ان انت نزلت وكنت بتتلفت حواليك وركبت ع موتوسيكل ومشيت امير: تانى يادكتور هتقول انت ! والله م انا ايمن: احنا ازاى توهنا عن الاحتمال ده ..كان كل تركيزنا نطلعك من الحبس..ودليل برائتك تحت ايدينا ومش شايفينه امير: الى هو ايه ؟ ايمن: مع انك اذكى من كده ياامير.. بس انت فكرة وجودك مع فريدة مخلياك مش مشغل دماغك صح او يمكن انت مش عايز تصدق الحقيقة الواضحة زى موت فريدة امير: دكتور قول بسرعة لانى بجد مش فاهم حاجة! ايمن: حازم ... اخوك! امير: (استغربت وحسيت انى بسمع خبر موت فريدة من تانى ونفس طعنه القلب جوايا بتكرر ودمعه غلبتنى ونزلت ع خدى ) ايه !!! -=-=-=-=-=-=-=-=-=-=-=-=-=-=-=-=- اسماء: (بتحضر اكل ) يعنى الشيخ قال كده ياماما ؟ يالهوى احنا كنا قاعدين فالبيت وفيه كل ده ! مامت اسماء: يابنتى زى مبقولك كده ..اخوكى جاب الشيخ وابتدى يقرا ومرة واحدة جسمة اتنفض ومقدرش يكمل وقال ان الشقه ساكنها اكتر من جن والعياذ بالله! اسماء: يالهوى يالهوى ..الحمدلله اننا مشينا والا كانو خلصو علينا مامت اسماء: طب يابنتى جديد الى بيحصل فبيت خالتك ده .. من امتى اتسكن ؟ لاحول ولا وقة الا بالله اسماء: والله ياامى معرفش بين يوم وليلة كده البيت حالة اتشقلب وامير تحسى ان هو كمان ممسوس وهو السبب فسكنة العفاريت للبيت بس قوليلى الام: ايه ؟ اسماء: هو الشيخ بعد مامشى ..مش هيعرف يطلع الى ساكنينه دول منه ؟ ده كده خالتى لو فاقت ورجعتله تانى تروح فيها الام: خالتك تطلع من المستشفى وتيجى ع هنا..لحد م نخلص من البلاوى الى فبيتها دى هو احنا مستغنين عنها اذا كان ولادها مش حاسين بيها يبقى احنا اولى بيها اسماء: اهو لو حازم هنا كان... الام: بس يابت وانكتمى ! بلا حازم بلا زفت اهو حازم ده اوس البلاوى والمصايب عيل بلوة من يوم م خلفته جاى وجايب المصايب فرجليه وقال ايه عمك الله يرحمه كان قارى فاتحتكم لبعض من وانتو صغيرين ليه ؟؟! عبيطة انا ارمى بنتى فالنار اسماء: (كشرت لما سمعت مامتها) بس ياامى .. الام: بت يااسماء!! فين غوايشك! اسماء: ها! انا قلعتهم عشان واحدة اتكسرت وبتعورنى الام: والتانية !! اسماء: وا\قلعتهم ياامى وخلاص .. (مشيت وسابتها) -=-=-=-=-=-=-=-=-=-=-=-=-=-=-=-=-=-=-=- "انت طول عمرك كده .. عمرك م عملت حاجة كويسة فحياتك! مصيبتى فالدنيا انك تؤامى .. فاهم يعنى ايه تؤامى! حازم: ايوة ..المصيبة دى كانت ليا اكتر م كانت ليك امير كويس امير طيب امير شاطر فالمدرسة وحازم مكروه وحازم زفت وحازم بليد وفاشل ومحصلش الدبلوم كانو بيدوك الرضعه لحد بوئك وبيموتو فيك.. وانا كانو بيدونى باقدم جزمة فرجليهم امير: من يومك وانت الى عامل كده فنفسك! عمرك م حاولت تبقى حد كويس انت الى اختارت تبقى فاشل وانت الى اختارت تهرب من المدرسة ومتكملش وانت الى صرفت ورثك عالشم والبودرة الحشيش والكلام الفارغ وانت الى نجست بيت ابوك بنسوان مشبوهه حازم: وانت بقى التقى الشريف العفيف الى مبتغلطش غلطة شاطر فدراستك ومعاك كلية ماشاء الله وفتحت محل وبقيت معدى والفلوس فايدك زى الرز وانت الى مضيعتش ورث ابوك واستفدت بيه وانت الى اختارت موزة تقفيل لبنان تتجوزو وانا بعرف بنات السكك مش كده! امير: (مسك فرقبته) حسك عينك تتكلم عن فريدة !! انت فاهم حازم: اه فريدة ربة الصون والعفاف فريدة الزوجه المستقبليه للسفير امير باشا وانا ابن الخدامة الى اخد اسماء الى ابوك لازقهالى وانا صغير انت يسمعو كلامك وكأنك ممشى ع رقبتهم السيف وانا الحيوان الفاشل الى لازم يعمل حاجة كويسة فحياته ويسمع الكلام بقى امير: انا كل م ابص فوشى فالمرايه ..بكره نفسى عشان بشوف وشك!! حازم: لا ياحلو .. شايف دى (الخصلة البيضة الى فشعره) دى الفرق تعرف ليه طلعت فيا وانت لا عشان انا ياما شوفت فالدنيا وانت الى متدلع الى ماشوفتش عشان كده شعرى طقطق من الهم امير: عمرك م هتنجح يا حازم حازم: يمكن عمرى م نجحت ياامير زيك وطلعت فوق... (ماشى وبيفتح الباب) بس يمكن اخد بايدك وتنزل معايا لتحت ............ حازم رغم انه كان غرقان فسطلته بس افتكر الموقف ده بالحرف وكأنه شايفه قدامه دلوقتى حازم: يوووه .. البودرة دى مغشوشة ياكامبا كامبا: لا يا زوما دى اصلى وصح الصح (مسطول ونايم عالكنبه) حازم: الدماغ طارت يلعن ابو دى ذككرى وسخة !! هات ياض كيس اشد منه تانى كاميا: متتقلش يا كبير الصنف ده بيحب الحنين حازم: بقولك هات ياض بدل م اعملها معاك! هات ومتقلبش دماغ امى كامبا: خد ياعم ..اسنف براحتك حازم: (شم لاين) مممم صباح الجماااااااااااال كامبا: ع عيونك يابرنس الليالى :) -=-=-=-=-=-=-=-=-=-=-=-=-=-=-=-=- امير: مستحيل (عيونى مدمعه) لا اخويا يقتل فريدة ! مهما كنا فيه بينا شوية مشاكل ..مستحيل ينتقم منى بالطريقة دى ايمن: ده التفسير الوحيد الى هيطلعك من القضية دى وهو اخوك الى عمل كده بس السؤال هنا ؟؟ ايه الدافع الى يخليه يقتل خطيبتك! امير: مافيش اى حاجة .. مافيش اى (وابتديت افكر) فلوسى!! ايمن: فلوسك! فلوس ايه امير: دكتور ايمن نادى عالظابط هقوله حاجة مهمة كان دخل الظابط.. الزيارة انتهت امير: حضرة الظابط انا عايز اقولك حاجة مهمة بخصوص القضية.. -=-=-=-=-=-=-=-=-=-=-=-=- مامت فريدة بعد استدعاء النيابة ليها ! بانها تفتح الشقه عشان يرفعو البصمات من جديد من الشقه وكانت اول مرة تدخلها من يوم الحادثة ! وكانت واقفه وهما بيبحثو ودخلت الاوضة بتاعت فريدة .. يمكن مش كانت ملاحظة ان الاوضة متكعبلة كده ومش مترتبة مظبوط وخدت بالها من شوية ورق كده متدبس فبعضه ..تحت مخدتها مسكته وهما بيدورو .. وعرفت تخبيه .عشان مش ياخدو منها جايز تكون دى الورقة الى بيقصدها الشيخ ! -=-=-=--=-=-=-=-=-=-=-=-=- الظابط: جت لنا دلوقت بتقول ان فيه كسر فباب دولاب اوضه المجنى عليها ولان التحريات اكتفت ببصماتها الى عالسكينه قفلت القضيه كقضية انتحار لكن اتضح ان فيه بصمات تانية موجودة فالشقه مش لشخص واحد! حامد: (بيتحقق معاه مطلوب للشهادة) حضرتك انا متأكد ان امير معملش كده ممكن يكون حد تانى والشاهدة مخدتش بالها من شكله الظابط: اخر مرة كلمك امير وشوفته .. كان قبل الحادثة ولا يومها! حامد: كان قبل الحادثة حضرتك..بيوم الظابط: قبلته ؟ حامد: لا كلمنى بالموبايل .. كان بيشتكى من .. من فريدة ! الظابط: من المجنى عليها! كان بيقول ايه بقى حامد: كانو متخانقين زى اى 2 مخطوبين يعنى .. عادى خناقة عادية ع مبلغ هو محوشة معاها وكان عاوزه عشان يعمل مشروع معايا انا وشادى الظابط: وبعدين حامد: هو كان مخنوق انه او مرة يدياقها ..وشتمها وقالها تقريبآآ غبية! الظابط: وبعدين حامد: بس وقالى فالفون ان لو فضلت متدايقه هو مش هياخد المبلغ الظابط: كان كام المبلغ بالظبط؟ -=-=-=-=-=-=-=-=-=-=-=-=- " 25 الف ياحامد!" ايوة.. ماهو انا مش عايز ازعلها ..بس انا بجد محتاج افتح مشروع واكبر بقى عشان نتجوز فمستوى احسن انا كنت هروحلها واخده ..بس هى عملتها بزعلة ومشيت وسابتنى ودى اول مرة تعملها! حازم كان سامع كل كلمة من برة الاوضه عشان الباب كان مفتوح! ودماغه اتبرجلت لما سمع رقم المبلغ وساعتها هو كان مديون ومحتاج لمبلغ يعوضه ويشترى بيها المخدرات بتاعته.. ركز كده ومشى وساب ال بيت. -=-=-=-=-=-=-=-=-=-=-=-=-=-=- وانا لوحدى فالزنزانة .. بعد م خلص التحيقي معايا مكنتش مصدق ان اخويا تؤامى هو الى يعمل كده ويحرق قلبي ع خطيبتى ! سرحت .. وحاولت افتكر هو عرف منين انى شايل مبلغ معاها ؟ حازم مش فالبيت طول الوقت وانا مقولتش لحد لانى لو قولت لماما هتقولى خايب ومتحوش معاها وانت متضمنهاش وهات انا اشيلهملك وده الى مأكدلى ان محدش يعرف بالموضوع ده غيرى انا وفريدة! وحامد طيب ..كده كل الادله ضده !وخصوصآ بعد م لاقو بصمات تانية فالاوضه وتكسير وانا سرحان ظهرت فريدة ليا :) فريدة: امير.. امير: فريدة !! قوليلى يافريدة !! حازم الى موتك؟ حازم الى قتلك؟ فريدة: انا مش فاكرة حاجة ياامير.. مش فاكرة حاجة امير: حاولى عشان خاطرى فريدة: مش قادرة امير: طب انا هساعدك .. جه وسرق الفلوس الى كنت شايلها معاكى وانتى حاولتى تمنعيه قتلك فريدة : (بتفتكر) .... حازم ! حازم: لا امير (بيتكلم بسطلة) فريدة: والله ! عايز ايه احازم؟ حازم: طيب مافيش ادخل ياحازم تعالى اشرب حاجة ياحازم ده اناخو خطيبك برضو .. وعم الاولاد مستقبليآ (زاح ايدها من عالباب ودخل) فريدة: لو سمحت اخرج من هنا .. مافيش حد فالبيت معايا حازم: هو انا غريب فريدة: لو سمحت ياحازم متخلنيش اعلى صوتى ..اطلع برة دلوقتى حالا حازم: هههههههههههههههه طيب خلاص خلاص امير بيقولك جهزتى الطلب؟! فريدة: طلب ايه ؟ حازم: الطلب الى هو عاوزه وانتى اتخانقتى معاه امبارح بسببه فريدة: وانت ايه الى عرفك بحاجة زى كده ؟ حازم: اخلصى هو مستعجل .. وبعدين هو قالى روح هاته وبصراحه بقى قال شوية كلام كده مش حلو عليكى فريدة: قال ايه يا حازم! حازم: قال هى مين الجربوعه المعفنه دى الى هتمنعنى احقق حلمى واعمل مشروعى ده بت ولا تسوى ده انا الى نضفتها انا مكنتش عايز اقولك..بس انتى الى خلتينى اقول فريدة: ممممم هو قال كده ! (اتدايقت)طب معلش انا هديهملو هو فايده لان دول امانة! حازم: امانة ايه ؟ هو انتى هتديهم لحد غريب.. انا اخوه وهو الى باعتنى فريدة: لا ياحازم انا مش مصدقاك.. يستحيل امير يستأمنك ويبعتك هنا تاخد فلوسه انت بتكدب وهتاخد الفلوس دى تشرب بيها! حازم: بقولك هاتى الفلوس!! فريدة: مافيش فلوس! حازم دخل وزقها ووقعت عالارض ودخل اوضه مامتها راحت هى جريت تقفل اوضتها بالمفتاح راح اخد باله ان الفلوس فاوضتها مدام بتقفلها راح مسكها وزقها تانى عالارض وفتح الباب بالمطوة بتاعته ودخل كسر الدولاب وقلب السرير وفتح فوق وتحت لحد م لقى بوكس صغير جواه كيس اسود ملفوف وفتحه لقى الفلوس! راح اخده ونزل جرى .. ............... الظابط: نأمر بضبط واحضار ..نحن .... المدعو حازم طلعت عبدالواحد الى سراى النيابة للتحقيق فقضية القتل المنسوبة اليه بالادله! -=-=-=-=-=-=-=-=-=-=- فريدة :(لما افتكرت جرحها ظهر تانى ونزل دم كتيير وهى ماسكاه وبتتألم) اااااااااااااه امير: خلاص يافريدة .. خلاص حسبى الله ونعم الوكيل حسبى الله ونعم الوكيل فيك ياحازم انا بس الى سمعت الحكاية من فريدة ومش هينفع احكيها واقول روحها الى حكت ! القانون مش بياخد بالتخاريف دى بس النيابة استدلت ع بصمات حازم فعلا وامرت بالقبض عليه وبدأت فرق البحث عنه ولان حازم كان بيقعد ع قهوة مشهور يقعد فيها يوميآ هو والمقاطيع بتوعه! استدل عليها البوليس بشهادة الناس جيرانهم القهوة دى وصلت لشقه واحد من اصحابة الى بيشدو معاه بودرة وحشيش والواد ده هو الى دل ع مكانه ... الى اول م دخلو البوليس ومسكوه للقبض عليه كان حازم مات اوفر دوز قبل دخولهم ب10دقايق!! من كتر الى شربه انهاردة بسبب انه عايز ينسى ولما يمكن لما ظهرتله فريدة وظهرت كأنها بتخنقه وهو حاول ينسى الصورة بتعاطيه جرعه اكبر ويزود ويزود لحد مامات :/ وده الى قالوه ال حواليه انه ردد اسم فريدة قبل م يروح خالص كذا مرة وقال ابعدى عنى ابعدى .. وانا حسيت انها هتروح تنتقم لما سابتنى شوية بعد م حكت وجت تانى ! بعد اثبت فالقضية ان القاتل .. مات! بسبب جرعه مخدرات زيادة وتم القبض ع اصحابة والشلة كلها خرجونى ... بس انا كنت حزين عشان اخويا هو الى حرمنى من فريدة ومكنتش مصدق! او يمكن مش هقدر اصدق ده فيه بصمات لشخص تانى مجهول الهوية !! ومتعرفوش عليه ؟! واتقفلت القضيى من تانى وانا رجعت بيتنا ..ملاقتش امى ولا اسماء بس لاقيت......... يتبع..
