شاهد.. صورة قبل وبعد اقلاع الفنان حسني شتا عن التدخين

نشر الفنان حسني شتا، عبر حسابه الرسمي موقع "فيسبوك" صورًا له بعد اقلاعه عن التدخين ويظهر في الصورة بجسم رياضي في ساحات الجيم وعلق: "الحمدلله قدرت أتخلص من اسواء حاجه في حياتي ..كنت الاول بعد الأيام وأشوف بقالي اد ايه مبطل سجاير ..لكن الحمدلله دلوقتي نسيتها اصلا ومش بفكر فيها ولما بشوف صوري وانا بشرب سجاير بفتكر ..اد ايه الواحد كان غبي انه مصر علي تدمير صحته ..ربنا يكرم اي حد بيشربها انه يبطلها ويتخلص منها والموضوع سهل جداا شويه اراده واصرار ولو بتحب حد بجد أوعي تمل انك تنصحه انه يبطلها وخلي بالك اللي يعزم عليك بحاجه تضرك اكيد مابيحبكش".
وأضاف شتا: "واه طول عمري بلعب رياضه بس من غير السجاير افضل مليون مره الصحه نعمه من عند ربنا حافظوا عليها ديه اهم حاجه في الدنيا تعديل: علشان فيه ناس في الكومنتات بتقول بلاش تقول انها اراده واحكيلنا الخطوات …صدقني والله الموضوع كله اراده ..انا فضلت سنين طويله بشربها بشراها ..ووصلت لمرحله إني بشربها اكتر ما بتنفس وحسيت فعلا ان حياتي جحيم وبقيت عصبي جداا ودايما متوتر وقلقان واكيد نفسي مكانش احسن حاجهوكنت بفكر كتير إني أبطلها وكل شويه اخد قرار ومفيش اي خطوه ..ل حد ما اكتشفت ان اه السجاير مأثرتش عليا في الفتره ديه بمرض عضوي الحمدلله".
وقال شتا: "..بس الأخطر انها اثرت عليًا وانا أصبحت مريض بضعف الإيمان واني لو فضلت اشرب حاجه انا متأكد انها بتقضي علي صحتي بالتدريج وقيس علي ده بقي انك بتأذي كل اللي حواليك من اهلك وصحابك وناسك بالتدخين السلبي وهما ملهوش اي ذنب غير انهم موجودين في نفس المكان اللي حضرتك بتشرب فيه سجارة اللي حولتك ل عبد ليها ..!!! ومفيهاش اي فايده او متعه فيها!!! يبقي كده انا ضعيف الشخصيه ..ومن ناحيه تانيه فكرت انها فعلا حرام …انا بشتغل علشان اجيب بفلوس ربنا كرمني بيها.. حاجه تضر الأمانة اللي ربنا وضعها فيا ..ليه بأذي روحي ليه!!!".
واختتم: "حتي لو كان عندك القدرة المادية انك تشتري مليون علبه ..ياأخي اعمل بالفلوس ديه اي خير هتقولي بعمل!! هقولك بس بتعمل ..شر .. ايوه السجاير شر ..ونمت وقمت في يوم بعد تفكير كتير مبطل سجاير من غير بقي اصلي هقلل وواحده واحده ..لا بطلت مره واحده والحمدلله داخل في سنه من غير هم ولاقرف السجاير ..السجاير مش رجوله ولاشياكه للبنات .السجاير مرض وضعف في الشخصيه واللي عاوز يعمل حاجه يعملها كل واحد حر وكل حاجه في الدنيا اراده وربنا يوفق الجميع في الخير ويسعد قلوبكم واه بقول نصيحه للناس اللي بتحبني ونقوي بعض علي الصح ..النصيحه مش حاجه ممله ولاغلط ولامزعجه زي ما الموازين اتقلبت في الزمن ده ..النصيحه خير وواجب ".