حذف مشهد علي ربيع وويزو من فيلم "الفلوس" لتامر حسني.. اعرف السبب

قال الفنان تامر حسني، إن تجربته في فيلم "الفلوس" المقرر طرحه غدا الأربعاء بدور العرض السينمائي، تجربة مختلفة وجديدة، معقبا: "بعيد عن أي حاجة قدمته قبل كدة، في إثارة وأكشن وكوميدية".
وتابع تامر، خلال لقائه ببرنامج"عرب وود": "اللي داخل الفيلم ومستني يشوف حاجة بيحبها في تامر، هيلاقيها.. بس هيشوف تطويرعن اللي كان يقدم من قبل".
وعن عودة تعاونه مع الفنانة زينة قال: "إحنا أصدقاء عمر، وبينا أفلام كتير ناجحة، وزينة عاملة دور هايل في الفيلم، أحييها عليه، وطالعة مختلفة جدًا، وإن شاء الله تعمل ردود أفعال قوية جدًا".
وعن مشاركة ضيوف الشرف في الفيلم، فقال: "معايا في الفيلم النجم أحمد السقا، ومكنش مقصود ظهوره بالفيلم عشان أنا طلعت معاه في مسلسله، وكلها حاجات جت بالصدفة، أحييه جدًا على الدور"
وتابع: " السقا صديق عمر وفنان كبير جدًا وأنا بحبه، أما النجمة مي عز الدين، صداقة عمر وأفلام ناجحة وسلسلة عايشة في قلوب الناس وهى"عمر وسلمى"، وعاملة معايا مشهد مهم جدًا في الفيلم ورغم إنه بيضحك، لكن له مدلول ومعنى كبير في الأحداث".
وعن سبب حذف مشهد على ربيع وويزو من الفيلم، أشار "حسني" بعد ما عملنا المشهد، وإحنا بنتفرج عليه، قررنا قرار غريب، وهو حذف المشهد من الفيلم، ووضعه في فيلمي القادم، لان المشهد بتاعهم يطلع منه خط كبير يشيل فيلم لوحده".
#عرب_وود | النجم تامر حسني يتحدث عن عودته للعمل مع الفنانة زينة بعد فترة غياب بفيلمه الجديد #الفلوس ويعلق على مشاركة النجوم أحمد السقا ومي عز الدين كضيوف شرف بالفيلم
@tamerhosny
@zeinareda
@ElSaka
@MaiEzzEldin pic.twitter.com/J5QWG8P4o7
— ArabWood – عرب وود (@ArabwoodTV) December 23, 2019