عمرو أديب: «السيسي كان ممكن يسلمنا كلنا ومرضيش عشان البلد»

قال عمرو أديب، إن الرئيس عبد الفتاح السيسي قدم إقرار ذمة مالية، معلقا: "اللي بيسألو عنه.. قولنا يا دكتور أيمن نور مين اللي بيصرف على المحطات، والساعة اللي في إيدك جايبها منين مش بردو واجب نعرف مين الي بيصرف على الناس دي".
وأضاف أديب، خلال، حلقة اليوم، من برنامج الحكاية، "أنا عايز حد يجبلي دليل فساد.. قد يكون داخل مؤسسة ضخمة قد يحدث بها اختراق، والرئيس نفسه قال هذا الكلام والي غلط يتحاسب".
وتابع: "ياجماعة إحنا إلى قاعدين في البلد مش الي في تركيا وإسبانيا.. إحنا بندور على التنمية الشاملة".
واستطرد : "أنا مش عايز حاجة من البلد ولا من عبد الفتاح السيسي.. أنا بس مش عايز نضرب على قفانا تاني".
وانفعل: "أنا مس عايز أموت زي الكلب زيهم برة وعايز افضل وسط أهلي وبلدي وجيشي وشرطتي".
استكمل منفعلا: "عبد الفتاح السيسي كان ممكن يسلمنا كلنا، وكان ممكن يسلمني، ومرضيش يسلمنا، وكان ممكن يوزنوه دهب وهو موافقش، واختار البلد".
واستطرد، "الموضوع بسيط متنتخبوش عبد الفتاح السيسي اللي بيعمل 14 مدينة جديدة، وعاصمة إدارية، ومشروعات بأكتر من 4 تريليون جنيه.. هاتوا الزغلول الكبير اللي بتحضروه، ومش عايز أقول أسامي".
واختتم "اتقوا الله في البلد.. والبد فيها ناس مش هتسبها تقع".