صدمة عمرو أديب بعد اتهام متصلة له بكراهية السيسي

فاجأت متصلة تُدعى جيهان من القاهرة ، الإعلامي عمرو أديب - مقدم برنامج "كل يوم" باتهامه بأنه يكره الرئيس عبد الفتاح السيسي و يوجه الناس لعدم انتخابه .
وقالت في مداخلة مع البرنامج المذاع على قناة (On E) : "احنا بنوعي الناس بخطورة الجماعة وأنت أوقات كتير بتشرب الجماعة للناس .. أنا متابعاك من أيام أوربت .. وكنت بتقول إن الإخوان أحسن من الجيش إن هو يحكم .. ومقولتك التانية برضو لما كنت بتقول ليه (أبو الفتوح) ميترشحش وكأن الناس مش عارفة إنه إخوان وجايبلنا المرشح اللي هو المفروض لازق في الإخوان (تقصد باسم السواح) فأنا الحقيقة مببقاش فاهماك أوي وأحيانًا كتيرة بتكون متناقض مع نفسك وبتحاول تلبسنا حاجات وتعمل نفسك مش واخد بالك ياريت تفهمنا أنت عايز ايه بالظبط".
و رد "أديب" ساخرًا: "أنا أصلًا كنت في تنظيم الإخوان من أيام عبد الناصر ".
وقاطعته المتصلة: "استناني لما أخلص .. وجملتك الشهيرة لما بتقول مش عايزين السيسي متنتخبهوش وعايز تعطي إيحاء للناس إن دي حاجة ممكنة متنتخبوش السيسي متنتخبوش السيسي .. ما تسيب الناس هي حرة ".
وأضافت: "أنت بتضلل الناس وبتديهم إحساس إن عودة الإخوان دي حاجة ممكنة .. انت مش عارف إن باسم المرشح اللي أنت جايبه دة تبع الإخوان وممكن الإخوان تظهرلنا بمليون وش؟ .. هو أنت عايز ايه .. أنت بتكره السيسي ليه؟ .. أنا مش مضطرة إن أنت بتكره السيسي أنت ومراتك وتشربني الكُره دة".
الفيديو: