بهاء الدين محمد يهاجم أنغام : محدش بيقولى أكتب إية.. وسميرة سعيد بتقول الحقيقة

شن الشاعر الغنائى بهاء الدين محمد ، حربا على الفنانة أنغام ، وذلك بسبب تصريحات فى إحدى اللقاءات التليفزيونية بأنها صاحبة فكرة إحدى كوبليهات أغنية "أكتبلك تعهد" ، وفى نفس الوقت صرحت الديفا سميرة سعيد ،مع الإعلامى عمرو دياب بأن الأغنية كانت لها منذ البداية .
وكتب بهاء ، عبر صفحته على موقع التواصل الإجتماعى فيسبوك ، قائلا :" أولا سميرة سعيد بتقول الحقيقة وفعلا كانت عندها الأغنية ولكن إختلفنا على لحنها وماكانتش سبب زعلنا خالص ولها كل الإحترام وبعدين سمعتها لأنغام وكتبت أكتر من كوبليه كعادتى وزى ماباعمل مع عمرو دياب مثلا ولكن الملحن الفنان إيهاب عبد الواحد كان حيسيب الكوبلية اللى سمعتوه.
وتابع:" ولكن أنغام أصرت إنه يلحنه وقالتلى هو يتعب لأنك كاتب كوبليه هايل وهو ده اللى حصل بالظبط وأنا ماحدش بيقولى أكتب إيه ولا مطرب ولا مطربة بيقولى أكتب إيه وإلا كانوا عملوا من غيرى شعراء وكان لازم أوضح لأن كلمات أكتبلك تعهد كانت سبب مهم و أساسى فى نجاح الأغنية مع إحترامى للملحن والمطربة ولكن لن أقبل حد يقول إنه بيشاركنى ف دورى لأن الأغنية دى بالذات غيرت الخريطة والمراكز وأنا شاعر له 2500 أغنية مفيش حد له بصمة فى كلماتى ولا يتدخل فى أفكارى مع إحترامى للجميع.
وإختتم :" وشكرا بس غيرتى على موهبتى اللى تعبت فيها سنين لا أقبل التقليل منها لهدف لا أعلمه بس هى مواقف بتعلمنا نكون على حذر . وأسف بس كان لازم أرد . ولو حد بيدينى أفكار ليه ماعملش مع غيرى كده وطلع نفس المستوى، اللى إتقال ده غلط كبير .