عاجل.. زوجة أحمد فتحي تتبرع بالبلازما بعد شفائها من فيروس كورونا

أعلنت نورا إسماعيل، زوجة أحمد فتحي نجم الأهلي تبرعها بالبلازما الخاصة بها بعد شفاءها من فيروس كورونا وكشفت نورا تفاصيل إصابتها هي وبناتها الثلاث مؤخراً، بفيروس كورونا المستجد "كوفيد 19".
وكتب زوجة فتحي عبر حسابها الرسمي على موقع التواصل الاجتماعي "فيس بوك": "الحمد لله رب العالمين على نعمة الصحة بشكر كل الناس حبايبي اللي اطمنوا عليًا بأي طريقة وآسفة جدًا اني مكنتش ملاحقة على التليفون ولا الرسايل لأني كنت في ابتلاء شديد ربنا ما يكتبها على حد.
وتابعت: "القلق إنك مسؤول عن كل اللي حواليك وبيتقالك انزل شوف مستشفى وأنا بنتي كانت تعبانة جدا وماما وبابا كنت خايفة عليهم جدًا لأني كنت بشوفهم كل يوم تقريبا كان عندي إحساس مسيطر عليا إني هموت وإحساس بالذنب اني أكون عديت حد حوليا وما بين دكاترة عايزه تساعد ودكاترة مش عايزه تجازف وتشوفنا عشان خايفين وده حقهم طبعًا ومعامل تطلع نتايج كويسه ونتايج وحشه".
وأضافت: "النصيحة بقى مني إن أنا كنت بعمل كل حاجة صح معاد إني ألبس mask وأنا مع قرايبي وأصحابي القريبين، وكنت بلبسه وأنا خارجة من البيت بس، لازم كل الناس تلبس mask وهي مع أي حد وفي اي مكان حتي لو في البيت وكمان غسل الادين كل شويه والأكل الصحي والشمس والنفسية تكون كويسه لان انا وجوزي كنا هنموت من الخوف رغم اننا مؤمنين بالله وقدره".
اقرأ أيضاً
* ارتفاع وفيات فيروس كورونا في موسكو إلى 3281 حالة
* تسجيل 38 إصابة جديدة بكورونا فى الأردن
* محمد رمضان يحتفل بتخطي قناته على يوتيوب حاجز ال 3 مليار مشاهدة
* الصحة: تسجيل 1677 إصابة جديدة بفيروس كورونا و62 حالة وفاة
* كورونا يضرب مقر الرئيس الإسرائيلى.. تفاصيل مثيرة
* تسجيل 1459 إصابة جديدة بفيروس كورونا في تركيا
* عاجل.. وفاة مريضي سوداني بكورونا بمستشفى المطرية تطيح بمسؤلين كبار بوزارة الصحة
* تعرف على حصيلة حالات الشفاء من كورونا حول العالم
* الصحة تُعلن استقبال 87 ألفا و391 طلب تسجيل للتبرع بالدم
* عاجل.. 4 دول تحجز 400 مليون جرعة من عقار " علاج كورونا " ..تعرف علي موقف مصر
* وزيرة الصحة تُقرر تشكيل غرفة أزمات كورونا فى الإسكندرية
* عاجل.. معلومات جديدة عن فضيحة تبادل جثث ضحايا كورونا في مشتشفي العزل
واستطردت زوجة لاعب القلعة الحمراء؛ "لو حد شك ان عنده مايقلقشي خالص ولا يروح يعمل مسحه ولا اي حاجه يتعالج في البيت ويعزل نفسه أسبوعين مع الڤيتامينات والأدوية وان شاء الله هيبقى زي الفل ولو حس بوجع في الصدر يعمل اشاعه CT ولو حد عايز اي استفسار او مساعده يتواصل معايا من غير تردد وأنا كمان ممكن اتبرع بالبلازما بتاعتي لأي حد وربنا يخليكوا ليا انا عرفت انا غاليه عند الناس كلها، ربنا يحفظكوا جميعا بحبكوا اوي اوي".