السيسى للمصريين :اصبروا على ..أنا بقالى عشرين شهر مش عشرين سنة

طالب الرئيس السيسى المصريين بالصبر و قال :أنا بقالى عشرين شهر مش عشرين سنة.وقال فى مداخلة هاتفية مع الإعلامى عمرو أديب، أنه سيحقق ما وعد به الشعب مشددًا "مادام قلت أن أنا هأعمل يبقى بفضل الله تشوفوه قبل ما أمشى وقبل ما أنهى مدتى أكون خلصت كل كلمة قولتهالكم"، فيما رد عمرو أديب "أنهى مدة" فقال الرئيس: "لا أنا بتكلم على سنة أو سنة ونصف من الآن.. وورانا شعب عاوزين نديله أمله الحقيقى". و قال ": "أنا بتكلم فيه مزرعة اسمها مزرعة الأمل فيها 3 آلاف فدان.. المزرعة اتعمل التخطيط بتاعها واتنفذ واتعملت المساكن بتاعتها من أكتر من 7 أو 8 سنين، ولكن لم يتم تسليمها.. إحنا شطبنا المبانى مرة تانية ورفعنا كفاءة الترعة الموجودة، وتم طرح أراضى قرية الأمل لصالح شباب الإسماعيلية والشرقية والقليوبية"
و قال السيسى :"أقول للمواطنين أنتم أهلى وناسى، واعلموا أننا ببذل أقصى جهد ممكن، أنا والحكومة، عشان نغير الواقع المؤلم اللى تراكم عبر سنين طويلة" و قال :"أرجو منكم أنكم متعطلوش الفرصة وتصبروا، إحنا بنتكلم دلوقتى تقريبا فى عشرين شهر، مش عشرين سنة، لو جبتلكم اللى اتعمل فى العشرين شهر دول هتستغربوا من حجم المجهود اللى اتعمل فى سيناء، ووفى موضوعات خلال سنة ونص هتشوفوها بتخلص بشكل كويس".