السيسي ل«الشعب»: لو عرفتم اللي أنجزناه في 20 شهرًا «هتستغربوا»

طالب الرئيس عبدالفتاح السيسي، الشعب المصري، بالصبر على الحكومة، مشيرًا إلى أنه يبذل أقصى جهد ممكن مع الحكومة لتغيير الواقع المؤلم الذي تراكم عبر السنين.
وقال «السيسي» خلال مداخلة هاتفية مع الإعلامي عمرو أديب، خلال برنامج «القاهرة اليوم»، على فضائية «اليوم» مساء الإثنين: «أتمنى من الشعب الصبر علينا. إحنا بنتكلم في 20 شهرًا مش 20 سنة».
وأضاف «لو جبتلكم اللي اتعمل فى العشرين شهر دول هتستغربوا من حجم المجهود اللي اتعمل فى سيناء، وفى موضوعات خلال سنة ونص هتشوفوها بتخلص بشكل كويس».
وتابع: «أحب أطمئنكم.. إحنا بنتعامل مش بس معاكم، لا مع ربنا اللى هنقابله يوم القيامة وأقوله إنى جريت وحاولت أبني ليهم وحاولت أعمر وعلى قد ما قدرت عملت».
وشدد على أنه سيحقق كل المشروعات التى وعد بها الشعب قبل انتهاء مدته الرئاسية الأولى، قائلا: «ما دام قلت أن أنا هأعمل يبقى بفضل الله تشوفوه قبل ما أمشى وقبل ما أنهي مدتي أكون خلصت كل كلمة قولتهالكم.. وأنا بتكلم على سنة أو سنة ونصف من الآن.. وورانا شعب عاوزين نديله أمله الحقيقي».