بيانات مجهولة تدعو الشرفاء لعدم النزول من البيت من يوم 19 وحتي 25 يناير

فوجئ العديد من الطلاب والموظفين بالمدارس والوزارات اليوم بيانات موزعة تحت عنوان لو عايز تشارك في خراب بلدك انزل من 19 ل 25
واتسمت لغة البيان بركاكة الأسلوب واتهامات مباشرة لحركة 6 ابريل بالعمالة وتلقي أموال بالدولارات من الخارج وجاء البيان الذى أصدره ما يسمي بالائتلاف العام للجان الشعبية للدفاع عن مصر: لما أنت يا خاين مش ضد الجيش ماشي ليه في كل حته في مصر بتعرض فيديوهات ملفقة عن أعمال عنف الجيش لم يرتكبها ؟ ولما أنت يا خاين مش ضد الجيش ليه بتفتري علي الجنود وتولع فيهم وبتسحلهم وبتاخد اسري زي ما يكونوا إسرائيليين ونرجع تقول إحنا مش ضد الجيش؟ ولما أنت يا خاين مش ضد الجيش بتسخن ليه علي قادة الجيش هو المجلس العسكري ده مش من الجيش خاصة ان الجيش مبني علي عقيدة الجنود في القادة بتاعتهم وثقتهم فيهم هي اللي تخليهم ينفذوا أوامرهم ولو فقدوا الثقة فيهم مش هينفذوا أوامرهم وهينشقوا عليهم وده هدفكم يا خونة ولما الجيش يقع في بعضه ده لصالح مين كده الجبهة الداخلية والخارجية الاثنين وقعوا وده هدفهم علشان ينفذوا مخطط أسيادهم اللي بيدفعوا بالدولار
لازم تعملوا كل جهدكم عشان توقعوا الجيش لأنه هو اللي كشفكم وترجعوا ببجاحة تقولوا علشان كرامة المصري ، مالها كرامة المصري يا خاين ياللي بتوسوس زي ابليس كانت فين كرامة المصري وانتوا بتقتلوا ضباط الشرطة؟ ، كانت فين كرامة المصري وانتوا بتسحلوا جنود الجيش ، كانت فين كرامة المصري وهي الثائرة المحترمة اختكو ا متصورة علي النت عريانه زي ماولدتها امها؟ ، كانت فين كرامة المصري لما الثائرة المحترمة تنزل بعباية علي العري في عز الشتاء علشان تمثل فيلم هابط ؟ اوعي يا خاين تتكلم بلسان المصري انتو خلاص اتفضحتوا والشعب عمره ما هيمشي وراكم ويخرب بلده ويهد جيشه
وجاء في آخر البيان
المصري شريف وفاهم اللعبة القذرة ومش بيبيع نفسه بالدولارت حتقول في الاول سلمية وبعدها عايز تقتحم الدفاع والداخلية ... تسقط تسقط 6 ابريل .. تسقط أمريكا وإسرائيل.. تسقط المؤامرة