الحرة للتغيير السلمى تشارك فى جمعة عزل الفلول وسبت القصاص

أعلن رامز المصرى المتحدث الاعلامى باسم الجبهة الحرة للتغيير السلمى مشاركتهم بجمعة عزل الفلول و أيضا سبت القصاص يوم محاكمة مبارك وأولاده والعادلى بقضية قتل الثوار مؤكدا أن الحشد سيكون بالميدان مع متابعتهم للمحاكمة دون الذهاب للمحكمة وأوضح أن أحداث الانتخابات الراهنة لن تلهيهم عن متابعة المحاكمة حتى يتم تبرئة مبارك او اصدار حكم مخفف مؤكدا أنه لو حدث ذلك سيتم الحشد بميدان التحرير وكل مكان بمصر .
وأوضح المصرى أن مسيرات غدا لعزل الفلول أربعة مسيرات تنطلق من مسجد الاستقامة لجنوب الجيزة ومسجد الفتح لوسط وشرق القاهرة ومسجد الفتح لوسط وشرق القاهرة ومسجد السيدة زينب لجنوب القاهرة .
كما قال الدكتور عصام الشريف منسق الحرة للتغيير السلمى اعتراضا على شفيق : " مش معقول يحكمنا فلول ...و فيه قانون عزل للفلول من الترشح للرئاسة طب تبقى إيه فايده القضاء والاحكام الدستورية لما يخالفها النظام علنا من اجل مرشح حكم القانون بعزله عن ممارسه حقوقه السياسية لضلوعه لمده طويلة في المشاركة في كل جرائم النظام السابق ييجى النهارده النظام الذي يحكم الفترة الانتقالية وينصبه مرشحا للرئاسه دون النظر للاحكام القضائيه اللى منعته من الترشح و مش كده وبس ده كمان يحط كل البلاغات اللى متقدمه ضده في الدرج رغم أنها تجاوزت الخمسة وتلاتين بلاغ و من غير تحقيق و الانكى انه تتم عمليات تزوير منهجيه و واضحه لصالحه وبرضه تمر عادى ...ليه بقى الشاطر حسن بسلامته ...إحنا بنحترم سياده القانون وبنطمح في دوله مؤسسات تحترم الفرد وحريته و تعيش بالقواعد والقانون ولو استمر هذا الشفيق فى الترشح واصبح رئيس لمصر معنى كده اننا خلاص مبقاش فى امل فى وجود دوله المؤسسات والقانون دى لان فاقد الشئى لا يعطيه ولا يمكن ان يصبح رأس الدوله اول مخالف لقوانينها وعاصى للاحكام القضائيه اللى الدوله بتطالب الناس باحترامها ...و علشان كده احنا مصرين ان قانون العزل يتطبق على شفيق اولا والا لو قبلنا غير كده يبقى إحنا ضد مستقبل هذا الوطن ...و قريب حيحكمنا البلطجيه فعلا و تسود شريعه الغاب " .