بعد استخدام صوته بالذكاء الاصطناعي في أغنية "مش قادر".. سامو زين يصف تامر حسني بالهرم الرابع

انتشرت في الأيام الماضية أغنية "مش قادر" للفنان سامو زين بصوت نجم الجيل تامر حسني وذلك باستخدام تقنية الذكاء الاصطناعي.

وقام الفنان سامو زين بنشر مقطع الأغنية عبر صفحته الرسمية بموقع تبادل الصور والفيديوهات الشهير "إنستجرام" قائلًا: "انتشار أغنية مش قادر بصوت أحبه جدًا علي السوشيال ميديا وتم إرسال هذا المقطع لي بصوت الهرم الرابع تامر حسني، يا تيمو أنا حبيت الأغنية أكثر وأكثر".

وتابع: "من أكثر الفنانين الأسطوريين لمعني الإحساس حتي لو هذه الأغنية عن طريق الذكاء الإصطناعي أشكر من فعلها كل الحب،فحبي وإحترامي لهذا الفنان الفريد الاسطوره لا ينتهي أبدًا".

استوري سامو زين
رد تامر حسني على حديث سامو زين
وجاء رد تامر حسني على حديث الفنان سامو زين عنه عبر خاصية القصص بصفحته الرسمية بموقع تبادل الصور والفيديوهات الشهير "إنستجرام" قائلًا: "يا سامو يا حبيبي اولًا انت عارف أنا بحبك قد ايه من يوم ما ظهرنا مع بعض ولما أغنيتك "أنا ليك" كسرت الدنيا أنا من حبي فيك جيت قدمتك بنفسي في حفلة الجامعة الأمريكية".
وأضاف: 'تاني حاجه بقى الأغنية دي اصلًا انا بعشقها وحافظها وبما ان ال ai جمعنا لا بقى معلش هو مش أحسن مننا، أنا وانت لازم نعمل فكره حلوة في حفله عشان الناس تنبسط، تالت حاجه انا بشكرك على كلامك اللي من قلبك يا محترم يا اصيل يا غالي أو ي على قلبي".

استوري تامر حسني
سامو زين يقبل دعوة تامر حسني للغناء في حفلة واحدة
ويقبل الفنان سامو زين دعوة نجم الجيل تامر حسني للغناء معه في حفلة واحدة وذلك ما أعلنه عبر خاصية القصص بصفحته الرسمية بموقع تبادل الصور والفيديوهات الشهير "إنستجرام" قائلًا: "شرف كبير ليا هذا الحدث، طبعًا مش ناسي تقديمك ليا ولا عمري انسي طول عمرك بتحب الخير للكل لأنك فنان كبير من بداية مشوارك يا غالي، وأنا جاهز إن شاء الله واشكرك على هذه الدعوة".
سامو زين
ماذا تقول كلمات أغنية "مش قادر" ؟

مش قادر أبعد عنك ثاني حبيبي
آه يا حبيبي لو حتى ثواني
عايش فيك وإنت بعيد عني حقيقي
أيوه حقيقي وعينيك وحشاني
مش قادر أبعد عنك ثاني حبيبي
آه يا حبيبي لو حتى ثواني
عايش فيك وإنت بعيد عني حقيقي
أيوه حقيقي وعينيك وحشاني
يا حبيبي إنت اللي ليّ
من كل الدنيا ديّ
يا حبيب قلبي وعينيّ أنا روحي فيك
برتاح وإنت في حضني
قرب مني وخذني
ده عينيك دايما تقول لي أنا كلي ليك آه
يا حبيبي إنت اللي ليّ
من كل الدنيا ديّ
يا حبيب قلبي وعينيّ أنا كلي ليك آه
برتاح وإنت في حضني
قرب مني وخذني
ده عينيك دايما تقول لي أنا كلي ليك آه
دايما حواليّ وجوه عينيّ حبيبي
أيوه حبيبي دايما على بالي
ساكن أحلامي وكل كلامي حقيقي
أيوه حقيقي صورتك قدامي
دايما حواليّ وجوه عينيّ حبيبي
آه حبيبي دايما على بالي
ساكن أحلامي وكل كلامي حقيقي
أيوه حقيقي صورتك قدامي