ساندي ل الفجر الفني: أتمنى تقديم ديو مع سعد لمجرد وزياد برجي

بعد تألقها في الفترة الأخيرة سواء في السنيما بفيلم "تاج" أو المزيكا بأكثر من أغنيه أخرهم "الرعشة" التي قامت ساندي بطرحها منذ أيام، وهى من كلمات وألحان عزيز الشافعي.
لهذا السبب كان ل الفجر الفني حوار خاص مع المطربة ساندي، لتكشف لنا تفاصيل الميني ألبوم الخاص به الذي يحمل عنوان "الحالة الحالة".

بعد "الرعشة" متبقي كام اغنية من الميني ألبوم وهاينزلوا امتى ؟

"حاليًا بقفل باقي اغاني الميني البوم "الحالة لحالة" هو يحتوي على 6 أغاني نزل منهم 3 والباقي هاينزلوا في الشتا ورا بعض، وكلهم ألحان عزيز الشافعي ماعدا أغنيتين فقط ".

هل يوجد أغنية دراما ضمن الميني ألبوم ؟

"أكيد بس هتكون دراما من نوع مختلف شويه، لإن بعد دراستي للطاقه وعلم النفس قررت دائمًا اقول كلام تحفيزي".

هل نزول الألبوم مرة واحدة بتظلم الأغاني ؟

"طبعًا بتتظلم، اخر تجربة ليا في 2020 نزلت الألبوم كله مرة واحدة واتظلم بسبب كورونا، اغنية واحدة اللي كانت تريند يوتيوب وواحده تانية نجحت تيكتوك بس لكن الباقي ماخدوش حقهم".

فنان عربي أو غربي تتمني عمل ديو معه ؟

"ديو مع حد عالمي برونو مارس أو ستروماي، وفنان عربي سعد لمچرد أو زياد برچي".

هل توافقي على إستخدام صوتك في تقنية الذكاء الإصطناعي ؟

"الذكاء الاصطناعي أنا عرفاه من 10 سنين، وظهر في أفلام كتير بتتنبأ بالمستقبل بس إحنا خدناها على محمل الهزار والأفلام دي زي wal E وسبيل بيرج، وكلها كانت مؤشرات عن المستقبل بس محدش كان مقتنع، وصوتي من غير ما اوافق هياخدوه بس أتمنى يعملوا حقوق للموضوع عشان يبقى في حقوق أدبية ومادية".
كلمات أغنية "الرعشة"

واخد بالك من نظراتي
لما بتيجي عينيك في عينيا
واخد بالك من همساتي
وكلامي اللي عليك وعليا
لما بنبقى في نفس الحتة
أنا ببقى في حتة
دانا بتقطع وانا قدامك تلاتين حتة
لما بنبقى في نفس الحتة
أنا بنسى الدنيا
بنسى الناس التانية وبفضل
شايفاك انت
والرعشة اللي في ايدي
لما بتيجي وتسلم عليا
الرعشة اللي في قلبي
اللي فروحي لما بنسكت شوية
وآه من سكوت عن كلام كتير
ما اتقالش لسة
آه من حنين مكبوت
في قلبي وقلبك حاسة
بالرعشه اللي في ايدي
لما بتيجي وتسلم عليا
الرعشه اللي في قلبي
اللي فروحي لما بنسكت شوية
لما بتبقى قصادي انا بسرح
في البصة دي
انا مش عارفه ازاي بتحول
للدرجة دي
ازاي لما بسلم بس بايدي بسلم
ليه بستسلم للرعشة
اللي في ايدي
لما بتيجي وتسلم عليا
الرعشة اللي في قلبي
اللي فروحي لما بنسكت شوية