ساندي: أغنية "الرعشة" فيها حب ومعاني حلوة وعجبتني ردود أفعال الجمهور

أعربت المطربة ساندي، عن سعادتها الشديدة بسبب ردود فعل الجمهور على أغنيتها الجديدة "الرعشة"، التي طرحتها اليوم عبر جميع المنصات.

تصريحات ساندي
وقالت ساندي، في تصريحات صحفية: أغنية الرعشة من كلمات وألحان عزيز الشافعي، والأغنية شبهي أوي وغريبة، وكلامها جديد، ولما سمعت اسمها عجبني أوي، وفورًا حضر في ذهني فكرة البوستر الخاص بالأغنية، وتحمست بشكل كبير، وتوقعت ردود فعل الجمهور قبل طرح بوستر الأغنية، وكنت عارفة إن نية الجمهور مش سالكة، والأغنية واثقة فيها جدًا، والأغنية لطيفة ومقلقتش من اسمها خالص، وأتمنى أن تنال إعجاب الجمهور.
وأضافت: إثارة الجدل على الأغنية هتكون مفيدة لها، لأن الناس هتشوف الأغنية بريئة من كل الاتهامات، والأغنية فيها حب ومعاني حلوة ومش قلقانة خالص، وكانت فكرة حلوة إن اسم الأغنية يكون الرعشة.
واختتمت ساندي: لما قولت لأكتر من حد على الاسم كانوا بيتصدموا منه، وعجبتني ردود أفعال الجمهور، وحضر في دماغي فكرة البوستر الجريئة، وزودت جرعة سوء الظن عند الجمهور.
آخر أعمال ساندي
يذكر أن آخر أعمال ساندي هو طرحها أحدث أعمالها الغنائية التي تحمل عنوان الرعشة والتي طرحت اليوم عبر قناتها الرسمية بموقع يوتيوب، وأثار اسم الأغنية جدلًا كبيرًا عبر مواقع التواصل الاجتماعي بسبب اسم الأغنية الذي كان غريبًا بعض الشيء للجمهور ومتابعي السوشيال ميديا.
كلمات أغنية الرعشة
واخد بالك من نظراتي لما بتيجي عينيك ف عينيه
واخد بالك من همساتي وكلامي اللي عليك وعليا
لما بنبقي ف نفس الحته انا ببقي ف حته
دانا بتقطع وانا قدامك تلاتين حته
لما بنبقي ف نفس الحته انا بنسي الدنيا
بنسي الناس التانيه وبفضل شايفاك انت
و الرعشه
اللي في ايدي لما بتيجي وتسلم عليا
الرعشه
اللي ف قلبي اللي ف روحي لما بنسكت شويه
و اه من سكوت عن كلام كتير ما اتقالش لسه
اه من حنين مكبوت ف قلبي وقلبك حاسه
بالرعشه
اللي ف ايدي لما بتيجي وتسلم عليا
الرعشه اللي ف قلبي اللي فروحي لما بنسكت شويه
لما بتبقي قصادي انا بسرح ف البصه دي
انا مش عارفه ازاي بتحول للدرجه دي
ازاي لما بسلم بس ب ايدي بسلم
نفسي وقلبي وروحي قصادك ليه بستسلم
للرعشه
اللي ف ايدي لما بتيجي وتسلم عليا
الرعشه اللي ف قلبي اللي ف روحي لما بنسكت شويه
كل حاجه بتقول بحبك
كل حاجه بتقول بحبك