بعد تصدره تريند "يوتيوب" ب "بعد الكلام".. أحمد كامل يواصل التصدر ب "رهان قديم"

تصدر الفنان أحمد كامل تريند موقع الفيديوهات الشهير يوتيوب وهذا بعد طرحه ألبومه الجديد "بعد منتصف الليل" الذي حقق به نجاحا كبيرا خلال هذه الأيام.
حيث تصدرت أولى أغاني الألبوم تريند موقع الفيديوهات الشهير يوتيوب "بعد الكلام" وكسرت حاجز المليون مشاهدة وأتت من بعدها أغنيته الأخرى "رهان قديم" والتي احتلت المركز الثاني في أغانيه في الصدارة.

نجاح أغنية "رهان قديم" من ألبوم "بعد منتصف الليل"

حققت أغنية "رهان قديم" للفنان أحمد كامل نجاحا كبيرا بعد طرحها حيث اقتربت في نسبة المشاهدات العالية التي وصلت لها من 710 ألف مشاهدة أي على أبواب كسر حاجز المليون مشاهدة والجمهور يتفاعل بحماس مع الأغنية ولاقت إعجابه.


طاقم عمل أغنية "رهان قديم"

والأغنية من كلمات مصطفى ناصر، ألحان أحمد كامل، توزيع إسلام الازرق، ميكس وماستر نور عباس، جيتار محمد المغربي، بيانو نور عباس، كلارينت نادر مجدي، ترومبون كيمبل، ساكوفون محمد الشيخ، اعداد توزيع مينا خلف.
كلمات أغنية "رهان قديم" للفنان أحمد كامل
عايش بتوه.. تايه بعيش
مخلوقه ليه الذكريات مابتتنسيش
عمال أسكت قلبي وأكتم صوته فيه
والله يجازيها عينيا دي إللي مابتداريش
بكسب حاجات وأخسر أهم
يطلعلي جرح جديد عشان في جرح لم
أنا حتى روحي خسرتها في رهان قديم
عايش عشان قلبي يا دوب بيضُخ دم
بنادي عليا طول الليل.. وطول الليل محدش رد
ببُص على إللي فات أبكي.. وأبص على إللي جاي أتخض
كل اللي أنا حبيته وإتعلقت بيه
بلاقيني ليه مكتوب عليا إني أخسره
لا في نومي شايف حلم أداري جروحي فيه
ولا لاقي راحه في ليلي علشان أسهره
كان نفسي يطلعلي جناحات وأهرب بعيد
لمكان مفيش جواه وجع ولا فيه فراق
لكن بخاف لو أطير أحس بخوف جديد
وألقى البراح إللي في سمايا عليا ضاق
البوستر الدعائي والرسمي لأغنية رهان قديم
طاقم عمل أغنية "بعد الكلام"
الأغنية من كلمات وألحان وتوزيع خالد عصام، وڤيولين إسلام التوني، ميكس وماستر هاني محروس.


كلمات أغنية "بعد الكلام"


وخليني في حساباتك
ولو ممكن ما تكرهينيش
ساعات في حاجات بنخسرها
عشان عايزين نسيبها تعيش
حطي نفسك يوم مكاني
غمي عينك وامشي ورا قلبك
وشوفي ليه بعاني
من اللي بايع واللي واخد روحي مني
وقلبه راجع
عايز ياخد حته تاني
حطي نفسك يوم مكاني
وإبقي قولي
بعد الكلام اللي آخره سلام
في إيه فاضلي
مش باقي غير سهران يا ليل
وإنتي في ضلي
أنا بشكي لحالي
معرفش مالي واللي واصلي
إنك مشيتي وخلاص نسيتي
وأنا وحدي باقي
شوفي من عينيا دنيا
غير اللي بتدور في بالك
حطي نفسك يوم مكاني
وإبقي شاوري فين أمانك
قولي إزاي لقيتي حالك
من بعد ما قفلتي بابك
حطي نفسك يوم مكاني
وإبقي شاوري من مكانك
بعد الكلام اللي آخره سلام
في إيه فاضلي
مش باقي غير سهران يا ليل
وإنتي في ضلي
أنا بشكي لحالي
معرفش مالي واللي واصلي
إنك مشيتي وخلاص نسيتي
وأنا وحدي باقي
بعدك لسه ماشي بحكي عنك
الكلام مفرقش
سايق العناد على البعاد
وليل نهار ما بنمش
لسه في الكلام بقول هطول
أنا لا ناسيكي ولا مشغول
يا تلاقيلي سكه تكوني فيها
يا تلاقيلي حلول
بعد الكلام اللي آخره سلام
في إيه فاضلي
مش باقي غير سهران يا ليل
وإنتي في ضلي
أنا بشكي لحالي
معرفش مالي واللي واصلي
إنك مشيتي وخلاص نسيتي
وأنا وحدي باقي