"حسبي الله ونعم الوكيل فيكي يا هالة".. بسمة بوسيل تُثير الجدل من جديد حول انفصالها عن تامر حسني

أثارت المغربية بسمة بوسيل حالة من الجدل في الدقائق القليلة الأخيرة بتعليقها على حفل زفاف هالة عمر مسؤولة السوشيال ميديا ل نجم الجيل تامر حسني.
بسمة بوسيل
حيث نشر نجم الجيل تامر حسني مقطع فيديو من حفل زفاف هالة عمر عبر صفحته الرسمية بموقع تبادل الصور والفيديوهات الشهير "إنستجرام" ووضح صلة القرابة بينه وبين هالة عمر حيث علق قائلًا: "لكل اللي بيسأل عن ايه وجه القرابه بيني وبين العروسه الجميله دي شايف اسأله كتير انا هحكيلكوا هي اسمها هاله عمر عرفتها كانت بنت من الفانز صغيره ومن المقاتلين والمدافعين عن تامر على الانترنتو من كتر دفاعها عني لفتت نظري و مره رديت عليها شكرتها ولما سافرت اسكندريه في الوقت ده لقيت بنت صغيره أو ي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل عشان كنت بتحارب جدًا في بداياتي فا اتصدمت ان اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنه وقتها كانت السوشيال ميديا لسه بتطلع وكنا في شركتنا بندور على شركه كبيره تمسكلي السوشيال ميديا لحد ما قولتلهم انا مش عايز شركه كبيره انا عايز البنت الصغيره دي هي اللي تمسكها فضلوا يقنعوني ان كده مش صح ولازم اكتر حد خبره يمسكها وانا قولت لا لازم اكتر حد بيحبني هو اللي يمسكها وانا واثق ان طاقة الحب مفعولها اقوى من طاقة المحترف بلا حب فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا".

وأضافت: "الطفله الشاطره اللي كبرت دلوقتي قدامكم هاله عمر،،، اما بقى عريسها العسل ده اسمه عمرو طلب اديها مني انا عشان والدها ووالدتها توفاهم الله. في سنه واحده رحمهم الله ياريت نفتكرهم ونهديلهم ثواب الدعاء والفاتحه.. ومن اللحظه دي اتحولت هاله لبنتي الكبيره بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هاله رديت دلوقتي هنا ربنا يكرمك و يسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع اولادكم الجُمال بإذن الله".

View this post on Instagram
A post shared by Tamer Hosny (@tamerhosny)

تعليق بسمة بوسيل على حفل زفاف هالة عمر
وبعد هذا المنشور قامت بسمة بوسيل بنشره عبر خاصية القصص بصفحتها الرسمية بموقع "إنستجرام" حيث نشرت المقطع وعلقت عليه قائلة: "حسبي الله ونعم الوكيل فيكي يا هالة".

استوري بسمة بوسيل

انفصال تامر حسني وبسمة بوسيل

ونشرت بسمة بوسيل من عدة أيام من خلال حسابها الشخصي بموقع تبادل الصور والفيديوهات إنستجرام بخاصية إستوري خبر انفصالها وطلاقها من تامر حسني بشكل رسمي، ليرد عليها تامر حسني ويؤكد الخبر بشكل رسمي وأنه سوف يظل الأب والأخ والسند والصديق دائما.