لوسي: "الجنية هند بنت الأحمر ملازماني بالحقيقة مش في المداح 3 بس"

حلت الفنانة لوسي في ضيافة برنامج "العرافة" الذي تقدمه الإعلامية بسمة وهبة والمذاع عبر فضائية "النهار" وتحدثت عن دورها في المداح 3 (المداح أسطورة العشق) خاصة إنها تقوم بدور الجنية هند بنت الأحمر فقالت: "روحنا نصور في الفيوم وعملت ميكب وهلبس اللبس بتاع الجنيه واروح للفيلا بتاعت صابر والدنيا حر وقبل اما اخش على اللوكشين بتلات أربع دقايق لقيت المخرج بيقولي ارجع الاوتيل وفي عاصفة فظيعة والشجر بيخبط في بعضه ودخلت لقيت رموش إلى انا مركباها بتطير من الهوى والجو صعب والهوا كان هيطيرني ومصورتش"
وتابعت: "الجنية هند بنت الاحمر بتلعب معايا انا واخده اسمها وكل حاجه وقريت عنها كتير عشان وهند بنت الاحمر موجودة معايا وبتلازمني في الحقيقة كمان مش في المداح أسطورة العشق بس برغم إنه ا تحت الارض، انا بقول المشهد من هنا وبقرأ قران من هنا وبحلف بالله إنه ا معايا وبتلمسني"
وأضافت: " في جن طيب وجن شرير وعشان اعمل الدور ده في المداح كان لازم اعرف شكلهم ايه ولازم اشوف الطلاسم والطقوس وكل حاجة وربنا بيسلط الجن الطيب علينا عشان يساعدنا وأنا ذاكرت الست هند بنت الأحمر لان مبعملش دور من جنسي انا بعمل دور من جنس الخفا، بيحصلي حاجات غريبة أو ي وبحس ان في حاجة بتلمسني ولكن عشان بقرأ قران وبصلي الموضوع بيبقي مختلف وربنا بيحافظني".


مسلسل المداح الجزء الثالث من بطولة حمادة هلال وهبة مجدي ويسرا اللوزي ومحمد عز وعصام السقا ودنيا عبد العزيز وحنان سليمان وهلا السعيد وعفاف رشاد وخالد سرحان ومحمود عامر وبسمة ماهر وتامر شلتوت وسلمى أبو ضيف ورانيا فريد شوقي ومحمد مهران ولوسي وعبد العزيز مخيون وأحمد ماهر وصبحي خليل وأحمد كشك من تأليف وليد أبو المجد وأمين جمال وشريف يسري ومن إخراج أحمد سمير فرج.

لوسي ل برنامج العرافة: " مش خايفة أموت وأنا لابسة بدلة الرقص"

وتحدثت عن عملها كرقاصة وصرحت أنها لن تكون خائفة إذا توفت وهي ترتدي بدلة الرقص لإنها ترى إنها مهنة كأي مهنة وقالت "أنا جسمي مش ببلاش عشان أطلع في دور بملابس خارجة ومكشوفة أو مايوه، أنا بلبس بدلة رقص عشان أرقص وأنا لا أخجل بشغلي".

لوسي على متهميها بالضرب

ردت الفنانة لوسي، على ما زعمته الفنانة ندى عفيفي بشأن تعرضها للضرب من قبل لوسي في أحد العروض المسرحية وقالت: "هذا لم يحدث، قدمت 44 ليلة عرض، ندى يمكنها كتابة ما تريده، لا أعرف أسماء الفنانين في هذا العرض، كنت أنادي عليهم بأسماء الشخصيات، فقد كانوا فنانون جدد، الستارة كانت تفتح في الساعة التاسعة وكنت أذهب إلى هناك في الساعة السادسة، حيث أدخل غرفتي وأحرص على طقوسي وهدوئي، وكنت أحرص على تغيير ملابسي.. أنا مش عارفة مين ندى عفيفي، ومحصلش إني ضربتها وسيبت العرض ومشيت لأن ده معناه عدم احترام الجمهور".

توفيق عبد الحميد يضرب لوسي ويتسبب دخولها المستشفى
وتحدثت عن القلم الذي ضربه لها الفنان توفيق عبد الحميد والذي نتج عنها الدخول إلى المستشفى وقالت: "أنا معملتوش حاجة لإنه ميقصدش كان قاعد تحت رجلي وبيتأسفلي في المستشفى وبيبكي وانا مربطه وكان في حاجات كتير مكتوبة في الاسكريبت متعملتش، وجالي ساعتها ارتجاج في المخ ونزيف وقئ وملابسي بقت كلها لونها أحمر من الدم"
وتابعت: "انا غضروفي اتقطع اما وقعت في البيت الكبير واحنا مهنتنا متعبة وبنتعرض لكل التعب سواء ضغطنا إلى بيعلي من المشهد أو قلبنا يقف من الانفعال وممكن يحصل اي حاجه وندخل المستشفى بسبب الاذن الوسطى لما أحمد بدير ضرب نار".