لوسي: "مكتوب على جبيني أكون رقاصة واشتغلت في الأفراح وأنا 11 سنة"

حلت الفنانة لوسي في ضيافة برنامج "العرافة" الذي تقدمه الإعلامية بسمة وهبة والمذاع عبر فضائية "النهار" وتحدثت عن عملها كرقاصة منذ أن كنت صغيرة وأجابت على سؤال بسمة وهبة وهو إنها لا تخجل عندما تفكر أن كل أموالها من الرقص وقالت لوسي: " أنا بعمل فن بلدي معترفة بيه ومرسوم على جدران الفراعنة ونصيبي ومكتوب على جبيني أكون رقاصة وأدخل معهد باليه وبعدين أكون رقاصة في أفراح شعبية وبعدين أبقي كومبارس وابقي فنانة ومشواري كله مكتوب أنا كان قدامي نار وبحر وانا اخترت البحر واشتغلت في الافراح وانا عندي 11 سنة ورقصت"
وتابعت: "أنا مش هندم لأني معملتش حاجة غلط وعملت حاجه العالم كله بيحبها وبيقدرها ورقصت عشان عندي ظروف واخترت وتبرعت وسيبت دراستي عشان اساعدهم وكنت سعيدة جدا إني بعمل كدة ومحستش أبدًا إن ده ظلم لنفسي"


لوسي ترد على أزمتها في مسرحية الحفيد
تحدثت الفنانة لوسي عن الازمة الذي مرت بها في مسرحية الحفيد وقالت: "حصل خروج عن النص، فيه حاجة اسمها الكيو، ولازم حد بعينه يستناني أقول جملة واحيانا مش بيديني فرصة اقولها.. لما الجمهور يتبسط بحاجة حد من الجداد يجددها، فاحنا مش محتاجين زيادات عندنا نص وحوار حلوين أو ي، والبنات اللي معانا نقيتهم عشان شاطرين، فكان بيصعب عليا نعمل اي حاجة تبوظ دا.
وتابعت: لما لقيت استاذ ايهاب بيبعتلهم متقولوش والتزموا بالمواعيد.. يلتزموا يومين وتلاتة وبعد كدا لا، عملت 40 يوم عرض ونجحوا وصفوة الجمهور كانوا بيحضروا، وكل اللي معايا شباب جديدة وكنت مبسوطة بيهم، وانا بخش على خشبة عمري ما بعرف مين موجودين في المسرح ومعملتش أي حاجة من إلى اتقال ومعرفش مين ندى عفيفي دي.

عرض "الحفيد" عن رواية الأديب الكبير عبد الحميد جودة السحار، بطولة، عابد عنانى، شيريهان الشاذلى، يوسف المنصور، رنا خطاب، زينب العبد، محمود عبد الرازق، نشوى على عبد الرحيم، ندا عفيفى، عبد البارى سعد، بالاشتراك مع الفنان القدير عادل عفر، ومجموعة كبيرة من الفنانين، ديكور حمدى عطية، إضاءة حازم أحمد، ملابس مروة عودة، التعبير الحركى شيرين حجازى، موسيقى كريم عرفة، إعداد وإخراج يوسف المنصور.

مسلسل المداح الجزء الثالث

مسلسل المداح الجزء الثالث من بطولة حمادة هلال وهبة مجدي ويسرا اللوزي ومحمد عز وعصام السقا ودنيا عبد العزيز وحنان سليمان وهلا السعيد وعفاف رشاد وخالد سرحان ومحمود عامر وبسمة ماهر وتامر شلتوت وسلمى أبو ضيف ورانيا فريد شوقي ومحمد مهران ولوسي وعبد العزيز مخيون وأحمد ماهر وصبحي خليل وأحمد كشك من تأليف وليد أبو المجد وأمين جمال وشريف يسري ومن إخراج أحمد سمير فرج.