أحمد الشامي يكشف مفاجآت عن شخصيته في "جميلة" ويوضح سبب نجاح "الأصلي" (حوار)

فنان بارع، خطف قلوب الجماهير في مجمل أعماله، لديه مواهب كثيرة تألق من خلاله وظهر على الساحة الفنية في وقت قليل، يمتلك صوت عذب واداء مبهر يجعل الجمهور يتعلق به فور مروره من أمام الكاميرا، أنه النجم أحمد الشامي، الذي أبكي الجماهير عقب وفاته في مسلسل الأصلي الذي قدم فيه شخصية أنور.
حقق أحمد الشامي نجاحات كثيرة منذ عرض أولى حلقات مسلسل الأصلي، وتفاعل الجمهور مع شخصيته الذي قدمه في العمل وهي شخصية أنور المعلم الذي تطارده أحد تلاميذه، ويحاول أن يبعده عنه ولكن تورطه في العديد من الأمور ليتم فصله عن العمل، ويتوفي إثر حزنه من عدم تصديق زوجتها أو المسئولين له، وحرصت بوابة الفجر الإلكترونية على محاورته ليكشف عن كواليس عمل مسلسل الأصلي، كما أنه كشف دوره في مسلسل جميلة المقرر عرضه ضمن مسلسلات رمضان 2023، وجاء نص الحوار على النحو التالي:
احمد الشامي
كيف جاء ترشيحك لمسلسل الأصلي؟
-ترشيحي جاء عن طريق الاستاذ مصطفي العوضي هو اللي رشحني ل أستاذ أحمد حسن المخرج وهو كمان المشرف على الإنتاج في شركة اروما.
حدثنا عن كواليس العمل مع نجوم مسلسل الأصلي؟
- الكواليس كلها حلوة وبنقعد نتكلم في الدور ونذاكر مع بعض، أنا وولاء الشريف طبعًا لأنها كانت زوجتي، وأحمد كشك أيضًا كنا بنذاكر مع بعض المشاهد اللي بنبقي فيها سوا، ومع ريهام ريكو وأستاذ أحمد حسن، أنا بحب الكواليس دايمًا تبقي هادية والواحد بيبقى مركز في الشغل أكتر من اننا نقعد مع بعض ونهزر.
صورة من كواليس مسلسل الأصلي
هل وجهت صعوبات في تجسيد دور المعلم؟
- لا خالص بالعكس الدور مكتوب حلو جدًا، ودي أهم حاجة أن الدور يبقى مفهوم للمثل ويبقى عارف تفاصيله كلها يعني.
ماذا كان رد فعلك عند ا قراءة الدور؟
- انا انبسطت بالمسلسل عموما، ومصطفي العوضي كان متحمس جدًا للمشروع ككل.
هل يوجد مثل ليالي في الحقيقة؟ وهل يجب تجاهل المدرس التعامل معها أم عليه إخبار والدتها؟
-الله اعلم انا معرفش، ولكن لو في مينفعش المدرس يتجاهل ولازم يتصرف بطريقة أذكى من أنور.
هل توقعت تعلق الجمهور بشخصية أنور في مسلسل الأصلي؟
أحمد الشامي ينشر صورة له رفقه ريهام عبد الغفور من كواليس مسلسله "الأصلي"
a href="/4628727" title="بصورة من كواليس " جميلة".. أحمد الشامي مع وفيق في رمضان 2023"
بصورة من كواليس "جميلة".. أحمد الشامي مع أحمد وفيق في رمضان 2023
مسلسلات رمضان 2023.. أحمد الشامي يروج لمسلسله الرمضاني المقبل "جميلة"
-نعم كنت متوقع كده، وكلهم كانو متوقعين كدة، هاني جمال المؤلف قالي هفكرك لما أنور يموت ايه اللي هيحصل، وريهام عبد الغفور قالتلي لما أنور يموت الدنيا هتتقلب ولما مات والناس اتأثرت ريهام عبدالغفور كلمتني وقالتلي شوفت مش أنا قولتلك.
أحمد الشامي من مسلسل الأصلي
ما أصعب مشهد بالنسبة لك في مسلسل الأصلي؟
-لا مفيش مشهد معين، لأني بعرف اتكيف مع كل المشاهد وبذاكر كويس وبحضر قبليها لوحدي ومع مدرب التمثيل الاستاذ خالد الشيمي بيساعدني دايمًا جدًا.
ما هو دورك في مسلسل جميلة؟
-رجل أعمال علي قدي،.وشريك نبيل عيسي واحنا شلة مع بعض كده مع ريهام حجاج وهاني عادل.
صورة من كواليس مسلسل جميلة
ما رأيك في الانتقادات التي تتعرض لها بعض الأعمال عقب طرح البرومو أو البوستر الخاص بها؟
- كلام فاضي ومفيش حد بيعمل كده على الكوكب، عمرنا ما شوفنا فيلم نازل في ألمانيا أو أمريكا أو الهند، والناس اتريقت عليه من البوستر احنا بس اللي عندنا مشكلة.
هل هناك عمل كنت ترغب أن تشارك فيه في السباق الرمضاني؟
- لا دايمًا الحاجة الحلوة اللي بتيجي ده نصيبي وده اللي أنا باصصله، ممكن اقولك في المستقبل مش حاليًا.
ما هي الأدوار التي تحب تقديمها في الفترة المقبلة؟
-نفسي أعمل أي دور يجي بس تكون متنوعة عن اللي عملته قبل كده.
شايف تجربة التمثيل بالنسبة لك ازاي في تقيمها؟
-مش تجربة هي بقت حياتي دلوقتي.
ما هي أسباب اتجاهك التلفزيون تحديدًا بعيد عن أعمال السينما؟
a href="/4628727" title="بصورة من كواليس " جميلة".. أحمد الشامي مع وفيق في رمضان 2023"
بصورة من كواليس "جميلة".. أحمد الشامي مع أحمد وفيق في رمضان 2023
مسلسلات رمضان 2023.. أحمد الشامي يروج لمسلسله الرمضاني المقبل "جميلة"
أحمد الشامي ينشر صورة له رفقه ريهام عبد الغفور من كواليس مسلسله "الأصلي"
- علشان من بعد 2011 التلفزيون بقي لي مكانة أكبر من السينما مع أني الفترة الجاية مركز مع السينما أكتر وهي اللي بتعيش أكتر كمان.
من هو قدوتك في التمثيل؟
-مليش قدوة،.كل واحد بيبقي عنده حاجة حلوة بيبص عليها وحابب يتعلمها، وفي الغالب ببص للناس الخارجيين فنون مسرحية بالذات لأنهم بيبقي عندهم طرق تمثيل مختلفة وطبيعية.
شايف اتجاه المطرب للتمثيل خطوة ناجحة بحكم تجربتك واللا لو رجع بيك الزمان هتستمر في الغناء فقط؟
-اه طبعًا اكيد،.وبتعيش المطرب أكتر بكتير ومثال علي كده عبد الحليم حافظ.