بعد تصدرها التريند.. تعرف على أبرز تصريحات وفاء مكي

كشفت الفنانة وفاء مكي، حقيقة ارتدائها الحجاب خلال الفترة الأخيرة، مشيرة إلى أنها ارتدت الحجاب بسبب استضافها في برنامج ديني.

وصرحت وفاء مكي، في مداخلة تلفزيونية: "الحجاب لا عيب ولا سُبة وكنت في برنامج ديني وكنا بنصور في مصر الجديدة وقعدت أدور على إيشارب لأنهم قالولي لازم حجاب عشان فيه شيخ وقرآن، وقعدت ألف لحد ما اشتريت حجاب احترامًا لهيبة الشيخ.. ولكن أنا متحجبتش".
وفاء مكي
حديث وفاء مكي عن عدم زواجها مرة ثانية
وقالت الفنانة وفاء مكي عن زوجها الراحل: "اتجوزت مرة واحدة بس من والد عمر ابني.. والله توفاه وعمر كان عنده سنتين وكرست حياتي لابني.. لأنه بقى كبير وهو عندي بالدنيا وخايفة أتجوز حد يزعل ابني وهو ب ضل مليون راجل".

كما أشادت الفنانة وفاء مكي عن ندمها لعدم زواجها واهتماها بالفن، مشيرة إلى أنها لو عاد بها الزمن كانت ستتزوج بعد وفاة زوجها.

وأضافت وفاء مكي: "ناس كبار طلبوا أسيب الفن وأتجوزهم وعرضوا عليا ملايين.. ولكن دا نصيب في النهاية ولو رجع بيا الزمن هاخد الفلوس وأتجوز لأن فلوس الفن معملتش بيها حاجة وابني والده توفاه الله".

واستكملت: "وأنا غلطت بس ملقتش حد يوعيني وأنا كنت مغيبة لدرجة مش بفتكر عملت كام عمل والعمر سرقني والرجالة كانوا بيتخانقوا عليا ولحقت أجيب عيل قبل القطر ما يفوتني".
وفاء مكي
وواصلت: "عندي معجب كل يوم يجي لي تحت البيت ومش مصري بس بقيت أخاف أنزل بسببه".
أزمة سجن وفاء مكي
ومن ناحية أخرى تحدثت الفنانة وفاء مكي، عن أزمة سجنها بتهمة تعذيب خادمتين، مشيرة إلى أن الله له حكمة في ذلك.
وكشفت وفاء مكي: "عندي خدامات بيساعدوني دلوقتي في البيت.. والحكاية دي بقالها 20 سنة وأكتر، ولما حد بيتكلم بقوله دا موضوع ملهوش لازمة ولما بفتكر بقول إيه التهريج دا؟ وبضحك، ولكني اقتنعت أن اللي حصلي له حكمة يعلمها الله والضربة اللي مش بتقتل بتقوي".
سبب ابتعاد وفاء مكي عن التمثيل
وعلى الصعيد الآخر أوضحت وفاء مكي سبب ابتعادها عن التمثيل، قائلة: "ابتعدت عن التمثيل عشان كنت متفرغة لابني بعد ما جوزي مات.. ولكن أنا محتاجة أشتغل بردو لأن ظروف الحياة صعبة وعندي ابن محتاج فلوس ولكن الأجر حاليا مش على قد المستوى".
وفاء مكي
وأضافت: "كنت هتعاون مع محمد رمضان في فيلم جديد ولكن الأجر كان قليل ورفضت لأني ممثلة قديمة ومش لسه حد هيكتشفني.. ولو هنزل أشتغل وأتعب وأتفرغ لازم الفلوس تكون تستاهل أضحي عشانها".
وتابعت وفاء مكي: "جه وقت كنت باخد أعلى أجر وكان ساعتها 5000 جنيه وكنت دائمًا أعلى نسبة بيع وتوزيع في المجلات والجرائد وزمان مكنش فيه الأجور العالية والملايين اللي بتتاخد دلوقتي، ومع ذلك أنا معنديش ثروة من التسعينيات ومعملتش حاجة بالفلوس".
وفاء مكي تتحدث عن فكرة تمثيل نجلها
وتحدثت وفاء مكي عن نجلها عمر، قائلة: "أنا بضطر أصحى الفجر وأنام الساعة 11 علشان أروح المدرسة وارجع وأذاكر له، علشان أشتغل لازم أجيب وقت.. لكني ماعنديش الوقت ده، ابني مسؤول مني مسؤولية كاملة، علشان أجي البرنامج كل دقيقة تليفون لدرجة كنت هجيبه هنا، جاله بطولة فيلم وهو عنده 5 سنين وهو دلوقتي 12 سنة ولكنه رفض لأنه مبيحبش التمثيل وهو ما شاء الله قمور وشعره مسبسب، وفي المدرسة في حاله ومسمينه المحترم بس بيرازي فيا في البيت".
وفاء مكي