"الدنيا ظالماني".. محمود الليثي يطرح أحدث أغانيه (فيديو)

طرحت شركة روتانا للصوتيات والمرئيات، أغنية "الدنيا ظالماني" للمطرب محمود الليثي عبر قناتها الرسمية على موقع الفيديوهات "يوتيوب" وتطبيقي ديزر وأنغامي للموسيقى، والأغنية من كلمات: ملاك عادل، ألحان: مدين، توزيع: أحمد عبدالسلام.
كلمات أغنية "الدنيا ظالماني"
وتأتي كلمات أغنية "الدنيا ظالماني" كالتالي:
انا في الحزن غنوه بتبتدي بموال انا
انا القلب اللي داب م الوحده والاهمال انا
ونسبه جرحي مليون جرح في الميه
ونسبه فرحي مليون صفر علي الشمال انا
انا اللي الدنيا قسماني وكسرت ضهري ميت حته
وسابت كل خلق الله وجت علي قلبي انا وحاطه
مع الناس ماشيه بركاوي
وعندي بتتقلب حاوي
في حرقه قلبي ودموعي بترسم كل يوم خطه
انا انا الجرح مالوش الا انا
انا انا نفسي في ضمه حنينه
ابوس ايدك يا دنيا حرام ماتخافي بقي من ربنا
ياعيني ع الولد لما تخليه الحمول شايب
وايه بقي فايده الشاطر مدام الحظ كان خايب
مدام الهم كان عيلتك وكنتم اهل وقرايب
ماهتشوف الفرح لو حتي نظرك سته علي سته
محمود الليثي
أحدث أغاني محمود الليثي
تعاونا المطربان محمود الليثى وشقيقه حمادة الليثى، في طرح أحدث أغنياتهما بعنوان "نظرة واحدة" على موقع الفيديوهات "يوتيوب"، ومواقع التواصل الإجتماعى المختلفة، والتي تم طرحها على طريقة الفيديو كليب، والأغنية من كلمات وألحان محمود الليثى، وتوزيع إسلام شيبسى.

تعد أغنية "نظرة واحدة" هي أول أغنية تجمع الشقيقين محمود الليثى وحمادة الليثى، والتي تصوير الفيديو كليب الخاص بها على أحد شواطئ الساحل الشمالى بمشاركة الفنانة الاستعراضية أوكسانا.
محمود الليثي
كلمات أغنية "نظرة واحدة"
تأتي كلمات أغنية "نظرة واحدة" كالتالي:
ليل يا ليل يا ليلي
انتي قلبي معذباه
عقلي مني مطيراه
انتي فاكهة الحياة
وآه يا قلبي وألف آه
هي نظرة واحدة بس من عينيه
عملتلي ايه هموت عليه
هي نظرة بس واحدة من عينيه
عملتلي ايه هموت عليه
دوبني فيه غلبني فيه
اعملو ايه اعملو ايه
قلبي منك انتي فجأة راح وطار
يا عود يا نار يا سبايسي حار
قلبي منك انتي فجأة راح وطار
يا عود يا نار يا سبايسي حار
ما فيش هزار واخد قرار
وباختصار أنا باختصار.
محمود الليثي
وفي سياق متصل طرح المطرب محمود الليثى مؤخرًا أغنية بعنوان "رجولة برجولة"، والأغنية من كلمات حودة الجوكر، وألحان وتوزيع زيزو المايسترو، كما طرح أغنية "يالهوى"، على موقع "يوتيوب" والتى صورها على طريقة الفيديو كليب، والأغنية من كلمات ملاك عادل، وألحان هانى فاروق، وتوزيع زيزو.