كواليس تنفيذ أغنية تامر حسني الصيعدية "اللي يجاور السعيد"

ضم الفنان تامر حسني، مؤخرا عدد قليل من الأغاني لألبومه الجديد الذي يعمل علي قدم وساق للإنتهاء من مرحلة انهاء تفاصيله استعدادا لطرحه خلال الفترة المقبلة.
ومن ضمن الأغاني الذي ضمها حسني، للألبوم أغنية بلهجة صعيدية تحمل عنوان "اللي يجاور السعيد" حيث كانت من المفترض أن يتم طرحها ضمن أغاني ألبومه الأخير "عيش بشوقك" ولكن قرر في اللحظات الأخيرة تاجيل طرحها وعدم ضمها لألبوم"عيش بشوقك".
أغنية "اللي يجاور السعيد" من كلمات صابر كمال، ألحان شريف بدر، توزيع توما.
وكشف صابر، عن كواليس خروج "اللي يجاور السعيد" الي النور، حيث كتب عبر صفحته الشخصية "الفيسبوك": "من حوالي 3 سنين أو أكتر، كنت قاعد أنا وأحمد مالكي وشريف بدر في المهندسين، وفي نص القعدة شريف قالي تامر حسني، بعتلي تراك مزيكا عايزني أعمل عليه لحن، وبما أن كان حد مننا اللي هيكتب اللحن بعد ما يتعمل فقلتله طيب سمعنا كده، فشريف شغل تراك المزيكا، أنا انبهرت بالجمال والإختلاف وقلت لمالكي سيبلي الطلعة دي، قاللي دوس، وقلت لشريف اللحن اللي لسه متعملش ده لما يتعمل أنا اللي هكتب عليه، وتراك المزيكا ده حالة غريبة وجديدة ومينفعش الكلام اللي هيتقال عليه يبقى كلام عادي، فهيتكتب صعيدي أو نوبي".
واستكمل صابر، قائلا:"قعدنا نتناقش في الموضوع والقعدة اتمحورت حوالين تراك المزيكا، قومنا قعدنا في مكان تاني، كل ده وشريف بيسمع تراك المزيكا، شوية وشريف خد الموبايل وقام وخمس دقايق ورجع قاللي اللحن اتعمل وبعتهولي، قعدت وأنا مروّح عمال أسمعه، واقول لنفسي أنت عرضتها قوي كده ليه هو أنت كتبت صعيدي ولا نوبي قبل كده، من تاني يوم قعدت على اللحن وبعد ما خلصت جزء منه كلمت شريف وقلتله خدلنا ميعاد من تامر نروحله لأن اللي اتكتب مينفعش أكمل فيه قبل ما أعرف هو هيوافق على السكة دي ولا لأ، شوية وشريف كلمني قاللي يللا هنروح لتامر الساعة كذا".
وأضاف: "روحنا لتامر وبعد الأستقبال الجميل والسلامات بصلنا بضحك وقال فيما معناه يارب تكون مجيتكم بفايدة وقعدنا وشرحت لتامر وجهة نظري الأول، وبعدين شريف سمعه اللحن والجزء اللي كتبته، بعد ما خلص تامر قاله عيدها تاني، وبعد ما عادها بصلنا بنظرة تقدير وقال براڤو عليكم، ومسك الكلام وقعد يفنط فيه ويقوللي هنخلي دي في الاول ودي كوبلية ودي هنعيدها، قلتله لأ اللي مكتوب ده كله المذهب، لسه هيتعمل قده مرتين تاني، قاللي هتعرف تعمل زي اللي كتبته ده مرتين تاني وبنفس الكواليتي؟ قلتله هيحصل ومشينا وأنا بقول لنفسي أنت عرضتها ليه تاني".
واختتم حديثه قائلا: "بعدها بكام يوم تامر بعت قاللي فين الكلام واستعجلني وأنا مكنتش لسه كتبت، قعدت 3 أيام متواصلين بلا نوم أنا والقهوة والسجاير لحد ما خلصت وبعت الكلام لتامر ورد عليا بكلام حلو كتير نساني كل التعب والإرهاق الذهني والبدني اللي حصل، في ألبوم تامر حسني،هستمعوا أغنية مهمة وتجربة جديدة ( إن شاء الله).
جدير بالذكر أن صابر، تعاون مع تامر حسني، في عدد من الأغاني التي حققت نجاحات كبيرة وهي "تمن اختيار"، و"حكايات الحب"، و"العقدة إتفكت".