المتهم بقتل نجليه بالدقهلية يكشف تفاصيل جديدة: "رميت ريان وقولتله روح الجنة" (فيديو)

عرضت قناة "Extra News" الفضائية، اعترافات محمود نظمي، المتهم بقتل نجليه الطفلين محمود وريان، في محافظة الدقهلية، وإلقاءهما في المياه.
وقال "نظمي": "فكرت في الموضوع، قبلها بأسبوع كانت نفسيتي تعبانة وعندي اكتئاب.. مش عارف من إيه.. كان جايلي كدة لوحده، وابتديت أبيع حتة أرض، واخواتي قالولي متبعهاش وسيبها لأولادك.. واستنى تكون استلمت الدعوى وهيطلعلك فلوس حلوة وبيعها، قولتلهم ماشي.. وكنت بقعد مع واحد صاحبي اسمه رامي، ورامي كان بيقعد يسألني في اية ومالك؟؟ فقررت ابعد شوية عشان محدش يقولي انت زعلان وكدة، والموضوع ده جالي من أسبوع".
وأضاف المتهم بقتل نجليه: "فكرت أبعد الأطفال عن الحياة ومشاكل الحياة.. اللي هما ريان ومحمد.. حسيت إنهم لما هيكبروا هيلاقوا صعوبة في الحياة وصعوبة في مشاكل الدنيا، وقولت أرحمهم أحسن وهيبقوا دخلوا الجنة".
وتابع: "وبعدين كان جاي نسيبي في أول يوم ياخد الضحية.. فطلع عيد على الأطفال وقالي ابقى تعالى بقى.. قولتله ماشي وفي اليوم ده كنت تعبان ومكنتش قادر أصبر اصلا.. بس العيال وعشان عيد.. ومراتي قالتالي خدهم خرجهم وروح عيد على نسايبي.. قولتلها خلاص.. وروحت عن نسايبي قعدت 10 دقايق وعيدت عليهم ونزلنا وخدت العيال وروحنا حتة اسمها (العيد) ووفسحتهم، وبعدين طلعت على البحر.. وروحت جبتلهم البلالين والمكان اللي بيكون فيه العربيات والملاهي وكنت واخد برشام (الترامادول).. بقالي خمس سنين باخد ترامادول".
وأكد: "خدت البلالين وركبتهم القطر اللي بيلف.. وبعدين خرجت وقومت راكب عربيتي وطلعت على طريق المنصورة ولفيت بالعربية وطلعت على طريق إسكندرية.. على طريق الجمالية.. ومن الجمالية طلعت على طريق فارسكور، ومن هناك حصلت الواقعة".
وأردف: "كان في دماغي أرميهم في أي بحر عشان لو أي جريمة تانية هتتعبني نفسيا، لو قتلتهم هتعب نفسيا، لو خبطتهم بسكينة كنت هاتعب، قولت أقرب حاجة وأسهل حاجة يعني، المهم قعدت أطلع على الطريق"، لافتا إلى أنه كان يفكر في التخلص منهم منذ أسبوع، مضيفا: "لقيت هو البحر المناسب ومفيش حد كتير"، معقبا: "شيلتهم وقومت رميتهم.. ووقفت بالعربية وقولت روح للجنة يا ريان وروحت رامية"، مؤكدا أنهم لم يصرخوا.