"القرموطي" عن قرار ترامب بشأن القدس: "عار علينا اللي بيحصل ده"

علق الإعلامي جابر القرموطي، على قرار الرئيس الأمريكي دونالد ترامب بنقل السفارة الأمريكية للقدس قائلاَ: " كل واحد عنده مراية يبص فيها هيلاقيها مشروخة، احنا مرايتنا مشروخة، عار علينا اللي بيحصل ده".
وتابع "القرموطي"، خلال تقديمه برنامج "آخر النهار"، المذاع على فضائية "النهار"، مساء الأربعاء، أن "ترامب" بمنتهى الفجاجة قام باتخاذ قرار نقل السفارة الأمريكية للقدس، معقبًا: "اقسم بالله هتلاقي أغلبية العالم بياكل لب وهو بيتفرج على هذا القرار، أنا لو في البيت هاكل ليب هعمل إيه.. أنا مش بإيدي حاجة..هعمل مظاهرات شالله يا مظاهرات".
وتابع:" هخش البيت هلاقي المدام مولعة، فاكراني ليا تأثير على ترامب هخليه يرجع عن القرار ده، ياست الكل مش كده "