كاميرات موبايل أقرب للخيال!

تكنولوجيا الموبايلات اتطورت بشكل مرعب لدرجة إننا على مر السنين اللي فاتت ما كُناش نتوقع كمية الحاجات اللي استُحدثت واللي بتُستحدث عامةً كل سنة، مين فينا كان يتوقع إنه كان ممكن يمسك موبايل فيه كاميرا مزدوجة أو فيه مستشعر للبصمات أو إنه يكون مزود بنظارة للواقع الافتراضي؟.. مين كان يفكر قبلها إن الموبايل كان هيبقى فيه كاميرا أمامية واللي على أساسه جت فكرة السيلفي اللي بعد كده خلت كل الشركات تركز على الكاميرا الأمامية وتبتدي تصنعها كشيء أساسي في أي موبايل.
ومن هنا فكرنا نجيب لكم المقال ده اللي فيه أهم الموبايلات اللي اتصنعت بكاميرا مزدوجة في الفترة الأخيرة.
iPhone 7 Plus
iPhone 7 Plus قدرت بيه فعلًا شركة أبل إنها تغير في عالم التصوير بالموبايلات، فهو بيحتوي على عدسة مقربة Telephoto lens، والعدسة دي بتساعد على إنها تلقط الصور البعيدة بشكل واضح وكبير على الرغم من بُعدها، وكمان هو بيشتغل بوضعية البورتريه Portrait mode اللي بتقدر تركزلك علي الحاجة اللي انت عايز تصورها وتعملك تشويش علىالباقي أو بمعنى أصح الخلفية، والتقنية دي ما كانتش موجودة غير في الكاميرات الديجيتال، لكن قدرت أبل إنها تحطها في كاميرا الموبايلين iPhone 7 Plus و iPhone 7ويمكن تكون من أهم التقنيات اللي ساعدت علي نجاح الكاميرات دي.
وفيما يخص الدقة وفتحات العدسة كانت كاميرا iPhone 7 مزودة بعدسة واسعة زي باقي كاميرات الموديلات اللي فاتت، لكن كاميرا iPhone 7 Plusمزدوجة بدقة 12 ميجابكسل وبتيجي بفتحتين عدسة مختلفتين، وعشان كده كاميرا iPhone 7 Plus أفضل من أي كاميرا جهاز iPhone سابق.
العدسة الأولي للجهاز عدسة عريضة الزاوية تقدر تستخدمها وانت بتصور في أماكن ضيقة وفي ضوء خافت، أما العدسة التانية هي المقربة اللي شرحناها من شوية.
Google PixelXL
على الرغم من إن Google Pixel XL مش موجود في مصر، لكن نظرًا لإن كاميرته من أفضل كاميرات الموبايلات، فلازم نذكر تفاصيلها، بس انت تقدر تلاقي الجهاز علي امازون.
الكاميرا مش مزدوجة لكن هي بدقة 12.3 ميجابكسل وبفتحة عدسة f/2.0 بتدعم خاصية التثبيت الإلكتروني، الخاصية دي بتساعد على إنك تلتقط صور أثبت فبالتالي هتنتج صور تفاصيلها أوضح، الكاميرا برضه بتدعم خاصية ضبط بؤرة العدسة بالليزر وفلاش بلونين، أما عن مقاس البكسل فهو 1.55 ميكرومتر ومقاس الحساس 1/2.3 بوصة اللي بينتج عنهم صور واضحة في عز الضوء الخافت.
بتتميز الكاميرا بسرعتها وإن ألوانها حية وكمان صورها القريبة مليانة بالتفاصيل الحادة، والصور اللي بتتاخد من بعيد بيبقى واضح فيها التفاصيل برضه.
Huawei P9
عشان تطلّع هواوي Huawei P9 عملت شراكة مع شركة من أكبر شركات تصنيع الكاميرات المحترفة في العالم وهي شركة لايكا الألمانية. انت هتلاقي فعلاً شعار شركة لايكا علي الجهاز من ورا جنب الكاميرا.
الكاميرا فيHuawei P9 مزدوجة دقتها 12 ميجابكسل، كل واحدة فيهم مخصصة لوظيفة محددة، واحدة عشان تصور الصور الأبيض والأسود وواحدة تانية عشان التصوير بالألوان، والاتنين بيشتغلوا سوا عشان ينتجولنا أدق وأوضح صور ممكنة. الموبايلبيدعم فلاش ثنائيوتقدر تتحكم في سرعة الغالق بيه، ودرجة حساسية المستشعر للضوء، وتوازن اللون الأبيض، والضبط البؤري.
ولو حابب تتعرف أكتر على مواصفات الأجهزة دي بشكل مفصّل أو على مواصفات موبايلات تانية أصدرتها شركة أبل، سامسونج، سوني أو أي شركة تانية خش على MobiHub، وتقدر من عليه تتعرف مش بس على إمكانياتهم لكن كمان أسعارهم ومميزاتهم وعيوبهم عن طريق الشرح المفصل اللي مع كل جهاز، وكمان ممكن تقارن ما بين مواصفات كذا جهاز مع بعض، كل اللي عليك إنك تختار الموبايل وتكتبه في خانة البحث وهيظهرلك كل اللي يخصه، أو ممكن تخش على Mobihall أو Mobiles Gate اللي هيزودوك بمقالات عن أي حاجة ممكن تيجي في بالك عن الموبايلات والتكنولوجيا الخاصة بيهم.
أو ممكن تدخل على ياقوطة من مصر والسعودية والأمارات وتعرف كل اللى انت عايزة و تقارن مابين اللى انت محتاجه.