تعرف على تفاصيل الحديث الذي دار بين "السيسي" وسميرة أحمد في إفطار رمضان

كشفت الفنانة القديرة سميرة أحمد، عن الحديث الذي دار بينها وبين الرئيس عبدالفتاح السيسي، خلال إفطار شهر رمضان الماضي، قائلة: "قمت بعد الفطار وسيادة الرئيس كان جالس مع المعاقين، وذهبت عشان اسلم عليه، لكن فيه لواء فى الحرس اعتذر لي وقالى ممنوع، وقولت له عايزة اسلم عليه، وايه رأيك سيادة الرئيس لو شافنى هيجي يسلم عليه".
واضافت خلال لقائها فى برنامج "العاشرة مساء" على قناة "دريم"، قائلة: "رجعت على الترابيزة وبصوت عالي قولت يا سيادة الرئيس، لقيت الرئيس نظر لى وقام وجاء وسلمت عليه وفضلت احكى له عن اخويا كان ضابط جيش صاعقة، واتأسر فى اسرائيل خمسة شهور وتلات أيام، ومكانش عارفين أنه هيرجع، وقولت للرئيس إنت تشبه أخويا".
وتابعت قائلة: "الناس اللى كانوا فى الحفل استغربوا وتساءلوا عن سبب الحديث الطويل بينى وسيادة الرئيس، هو ده كان حديثى، والرئيس فى النهاية قالى إنتى أسعدتينى ربنا يخليكى لينا، وأنا قولت له كلنا بنحبك وكلنا بندعيلك ربنا يحميك، ورجعت للواء مرة تانية اللى منعنى ومسبتش تارى وقولت له: شوفت انا قولت لك إيه".