نجوم الفن عن "الزعيم": "أسطورة حقيقية وربنا يخليك لينا"

حرص نجوم الفن، على تهنئة الزعيم عادل إمام، بمنحه جائزة "الإبداع" في افتتاح مهرجان "الجونة" السينمائي، وذلك خلال فيلم تسجيلي تم عرضه في الافتتاح.
وقالت "منى زكي": "إنك تعملي مزج وقدرات غير عادية مش نجم كبير عادي ده أسطورة وعالميا مش موجود بالشكل اللي حققه"، أما عزت أبو عوف فقال: "محدش يتقارن بيه"، وقال شريف عرفة: "عادل إمام مش شخصية نادرة ده مؤسسة كاملة".
وأضافت الفنانة منة شلبي: "قال في شخصية أنا الزعيم وهو فعلا الزعيم لما بسافر برة بيقولوا عندكم مصر وعندكم النيل وعندكم عادل إمام"، وقال أحمد حلمي: "ريأكشن واحد منه بيغير قلبي في ثانية من غير ما يقول ولا كلمة الأخ والصديق والزميل اسم يسبق أي لقب".
وقالت النجمة يسرا: "ناس كانت تيجي من كل أنحاء العالم عشان تحضر بس مسرحية عادل إمام مش كفاية إني اتكلم عنك ساعات ولا سنين قيمتك كبيرة عندنا في قلوبنا بشكرك انك علمتني كتير وربنا يخليك لينا ويسعدك زي ما أسعدتنا"، أما غادة عادل: " لما صحابي برة عرفوا اني همثل قدّامه وصوني إني أسلم عليه".
وقالت إسعاد يونس: "الزعيم عمل تحديات سياسية مهمة".

وقال شريف منير: "لما قالوا هدرنا دمه راح أسيوط وعرض وكسر الدنيا"، وختم هاني رمزي قائلا: "تستاهل تكريمك كل لحظة ولنعتبر تكريمك تكريم للفن المصري".