أول تعليق لوليد منصور عقب التشكيك في طباعة أيدي تامر حسني بالمسرح الصيني بهوليوود

حرص منظم الحفلات ومنتج فيلم "تصبح علي خير" لتامر حسني، علي الرد علي تشكيك البعض مؤخرا بطباعة أيدي وقدم تامر حسني، بالمسرح الصيني في هوليوود.
وكتب وليد عبر حسابه الشخصي بموقع التواصل الإجتماعي"الفيسبوك": "صباح جميل لكل المشككين في التكريم العالمي للفنان المصري تامر حسني، بجد مستغرب من الكلام اللي بيتقال ده أحب أقول لو اللي بيتكلم مجنون المستمع عاقل اولا إحساسي الشخصي إن في حمله ضده وضد نجاح الفيلم الغير مسبوق خارجيا والتكريم و حصوله علي بصمه الايدي والارجل وسط عمالقة النجوم في الخارج والتشكيك في الاحتفال الكبير اللي اتعمل وان اول فنان عربي يحصل عليها".
وأضاف: "طيب فين البوليس لو المساله عادي وسهله كده كان اي فنان راح اشتراها او اي مشهور طيب لو تكريم ده والحدث مش مظبوط هل من المعقول كل ناس اللي راحت دي وعددها تقريبا 2000 شخص في داخل وخارج كانوا وهم ان استغرابي بس لما حد عندنا ينجح في حاجه ناس تعمل عبيطه وتتجاهل عكس بره لو ده حصل مع فنان من عندهم كانت الدنيا انقلبت والبلد تقف تدعمه".
واستكمل وليد كلامه قائلا: "ملحوظه التكريم حصل جوه المسرح علشان عرض الفيلم جوه وغناء تامر عكس لو تكريم ده حصل مع فنان اجنبي هيكون في شارع لكثره جمهوره علشان اجنبي ".
واستطرد: "وهل لو تكريم ده وهمي كده او حاجه بسيطه هل كان السفير و القنصلية والعمده عادي كده يحضروا حاجه كده انا بتكلم انهارده علشان لما فنان عندنا ينجح لازم نقف ونشجعه ونقوله احسنت وكل شهر كده نلاقي نجم عندنا مشرفنا بره وندعمهم مش نخترع حاجات وتشكيك مضحك وناس اللي ظهرت وبتكلم عن ازمه تامر في الجيش مع انه كان ضحيه بس أتصالح مع البلد وجبوه غني في مناسبات قوميه للبلد".
وختم وليد كلامه قائلا: "نفسي نركز ونشتغل وننجح وكل حد يركز في كده اخيراً مبروك تامر حسني علي الحدث الكبير ده مبروك تصبح علي خيرومبروك عليك كل نجاح ده علشان تستحقه انت مش بتنام ومبروك عليك كل ده ولا تلتفت للحاقدين".
جدير بالذكر أنه جاء ترشيح اسم تامر حسني، لهذا التكريم لإنجازاته في الفن، بمجال الموسيقي والتمثيل، وليس فقط عن فيلمه الأخير"تصبح علي خير" وذلك تحت رعاية مجلة "Enigma"