أعاد الفنان أحمد السقا نشر قصة كفاح مؤلف فيلمه الجديد "هروب اضطراري" محمد سيد بشير مع الثانوية العامة وعلق عليها في تغريدة عبر صفحته على موقع التواصل الاجتماعي "تويتر". حيث كان المؤلف محمد سيد بشير قد كتب عبر صفحته على موقع التواصل الاجتماعي "فيسبوك" عن قصته مع الثانوية العامة قائلا: "زي انهاردة من كام سنة سقطت فالثانوية العامة 3 مرات، تفتكروا أزعل أضايق أطق أستسلم، أموت نفسي، لا دخلت الامتحان ونجحت المرة الرابعة، ودخلت كلية تجارة تخصص محاسبة وتخرجت واشتغلت في البورصة من غير واسطة بس اشتغلت في حاجة ملهاش علاقة بالمحاسبة أصلا وسبت البورصة وشتغلت في البنك من غير واسطة برضه في حاجة ملهاش علاقة بالمحاسبة للمرة التانية وفضلت في البنك 3 سنين ودلوقتي الحمد لله مؤلف قد الدنيا كلها بفضل ربنا وكرمه وعامل فيلم كنت كتبه وانا بسقط، فالثانوية العامة عامل إيرادات لحد دلوقتي 41 مليون جنيه، وبالنسبة لشغل البنوك عندي عرض ارجع مدير فرع تاني، لو جبت خمسين فالمية أعرف إن دي علامة انك هتبقى حاجة في المستقبل ففرح وزغرط وشهيس الدنيا ووري ابوك البوست بتاعي عشان يعرف إن في احتمال تفلح، ولو سقطت لقدر الله هتبدأ من تاني وركز تاني بس بلاش تستسلم".
ونشر السقا البوست على تويتر وعلق عليه قائلا: "اوعى تستسلم أبدا كمل وحارب على حلمك. دي حكاية مؤلف هروب اضطراري، اللي فضحنا في الثانوية العامة".