وجع القلب له ناسه

ازي حضرتك عاملة إيه انا اول مرة يجي في بالي افضفض لحد وكتبت على صفحة جوجل فضفضة ودخلت على صفحتكم ولقيت نفسي عايزة اكتب زي كتير من الناس
انا مغربية عندي 28 سنة متجوزة من مصري بقالي 5 سنين وبنتي عندها 4 سنين اجوزتو عن حب اتعرفت عليه في 2009 كان عمري 19 سنة في مصر وفضلت علاقتنا على الانترنت فضل مخبي عني انو مجوز اكتر من سنة وعندو 4 اطفال وبعد ماعرفت اتصدمت حاولت ابعد بس ماسبنيش وفهمني انو مش مبسوط وفضل ضاغط علية لغاية اما وافقت اجوزو و جيت عشت معاه في مصر وظروفو كانت وحشة اوي وعشت في مستوى اققل من مستوايا المادي واستحملت و شلت هم اولادو من أكل شرب تعليم وانا اصلا حسة اني لسة عيلة و شلت المسؤولية طلق مراتو وعشت معاه اتحرمت من اهلي 4 سنين مش عارفة اسافر لغاية اما ربنا كرمو وصدقيني كل ده كان على قلبي زي العسل وكنت مستنية تقدير منو بس للاسف من ابسط حاجة كان بيقوم يضربني و يهزئني بيخلي عيني مزرقة جسمي كلو وارم مش بيرحمني و رغم كدة كنت بكمل وبقول ماعلش هو عصبي ممكن انا اللي باستفزو بغلط نفسي في سبيل اني اكمل واعيش مؤخرا سفرت بلدي انا وبنتي ورجعت بقول البعد ده حيخليني اجرب ان كنت اكمل ولا لا بس برضو رجعت من غير ماافكر وما كملتش اسبوع بعد رجوعي لمصر لقيت نفسي باتهان وباضرب رغم انو انسان مسؤول شايل بيتو مش مخلينا محتاجين حاجة بس كلمتو ما تنزلش الارض حتى لو كلها غلط في غلط ولو عارضتيه او اتناقشتي معاه في اي حاجة يبقى فتحت عاى نفسك ابواب جهنم والغلط مش مسموح انا تعبت تعبت تعبت اوي ...اكمل ولا انسحب انا شفت كتير وحش منو ومن عيالو ومن مامتو
فضفضة
محررة الصفحة .. نيفين حجازي
صديقتي .. الحياة الزوجية من المفترض انها تبني علي الاحترام والثقة والتقدير وليس ابدا علي ما كتبتيه برسالتك .. ولكل انسان طاقة ستنتهي يوما ما بلا شك .. ستنتهي غدا او بعد غد .. وعندما نفكر لناخذ القرار المناسب نفكر بطريقة تخرجنا من الازمة باقل الاضرار .. انتي الوحيدة تيرموميتر نفسك ويمكنك ان تساليها هل قدرتك علي التحمل اوشكت علي الانتهاء ؟ وهل من المنطقي ان اكون منتهية عند خروجي من ازمة ؟ ام متمالكة وقوية كي استكمل حياتي فيما بعد لاربي ابنتي بشكل سوي ؟ كلها اسئلة يجب ان تجيبي بصدق عليها .. عموما .. ان كنتي قد حاولتي مع زوجك بالحسني فللاسف الطبع لا يتغير وان لم يتغير من اجل ابنته او ليعيش حياة هادئة فلمن او متي سيتغير؟ سلوك سوزك جزء من اخلاقه فهل لك ان تربيه اليوم ؟ بالطبع لا .
لك كل الحرية دون الشعور باي ذنب ان تركتيه ان صح كلامك في الرسالة فالعشرة اما ان تكون بالمعروف او الفراق باحسان .. تحياتي لك وكل الامنيات بحظ افضل واشكرك علي ثقتك الغالية .. نيفين حجازي