كشري بعد الخسارة أمام الأهلي: أشكر اللاعبين على النتائج الكبيرة.. "للأسف معنديش لعيبة"

علق أحمد كشري المدير الفني للنصر على خسارة فريقه أمام الأهلي 0-4 في الجولة 28 من الدوري المصري الممتاز .
وقال كشري :"أشكر اللاعبين لأنهم حققوا نتائج كبيرة الفترة الماضية لكن للأسف "انا معنديش لعيبه ولا عندي حد علي الدكه اقدر استخدمه لكن نحن نلاعب الاهلي والأهلي فريق كبير وخبراته ضعيفة".
أضاف :"لحد الدقيقه 32 النتيجه كانت سلبيه وكنت محتاج اهاجم لكن بتوازن مع قفل خطوطنا حتي هدف عبد الله السعيد الاول وخبرة لاعبي النادي الاهلي حسمت المباراة".
تابع :"اللاعبين مرهقه جدا احنا بنلعب في ادفو ونسافر سواء في ملعبي او ملعب الفريق الاخر وفي فترة القيد للاسف ماجيبناش اي لعيبه جابوا 3 لعيبه تحت السن وده أثر علي الفريق وانا ريحت احمد بيومي انهارده ولعببه تانيه مش عايز اخسرها عندها انذارين وعندي مباريات مهمه الفتره الجايه".
اختتم :"فرصتنا مازالت قائمه داخل الدوري الممتاز ولكننا اقل فريق في هذه الفرق".