رامي صبري يكشف حقيقة خلافه مع أصالة ويردد: مبحبش الهري الكتير

كشف النجم رامى صبرى، عن اهم اعماله الفنية والغنائية القادمة قائلًا "عملت البوم جديد نازل الصيف ده وعامل فيه حاجات مختلفه وتوزيعات مختلفة .. بحب المزيكا جدا وبحب التفاصيل فيها وبتعاون فى الالبوم من الشعرا مع وائل توفيق فى التوزيع مع جلال حمداوى الموزع المغربى الذى تعاون مع سعد لمجرد فى اعماله الأخيرة.

كما كشف "صبرى"، عن سبب عدم تعاونه مع النجمة "اصالة" فى الديو الاخير " عيش سكر وطن" واختيار النجم احمد فهمى لاداء الاغنية رد قائلا "هى كانت عايزه حد ممثل..فالفكره لايقه علي احمد اكتر ولا يوجد خلاف بينى وبين اصاله وانا عملت اغنيه من احلى الاغانى واكتر الاغانى اللى نجحتلى مع الفنانه اصاله"كما وضح انها كانت تحتوى صور كتب الكتاب الحقيقة والتى استخدمت فى تصوير الكليب .

وعن علاقته بالسينما والعروض المقدمة له قال " اى فنان عايز ينجح نجاح غير محدود لازم يشترك فى السينما زى نجوم كتير جدا مثل العندليب عبد الحليم حافظ " كما استكمل كلامه موضحا "نجاح الاغنيه مش كفايه عايز انجح اكتر "

وحول تداول بعض رواد السوشيال ميديا التشبيه بينه وبين الهضبة "عمرو دياب " دائما رد قائلا " الموضوع ده بالنسبالى قديم لانى اتكلمت عنه كتير اوى وزهقت من الموضوع.. ووضح كلامه قائلا " لما تسكت فى البدايه ومتضايقش ليه ؟ .. لانك لسا الناس مش عرفاك ومكنتش لسا نجحت اما لما عملت اربع البومات وبتنجح وبقى ليك جمهور كبير الحمد لله مينفعش تتسال السؤال ده لانه فى الاخر ملوش علاقه بيك دلوقتى "

وفى سؤال عن علاقته بالسوشيال ميديا رد قال انه لايركز معها لانه لا يحب المشاغبات وقال "انا مش من الفنانين اللى بيحبوا الاعلانات ومحبش اكون على الميديا على طول بكون موجود من خلال صوره او اغنيه.. مبحبش الهرى الكتير "

وعن علاقته بالنجم "تامر حسنى" رد "اشمعنى تامر ؟؟ ليه مش حماقى ؟؟ " .. ثم استكمل اجابته قائلا " تامر علاقتى بيه كويسه زى كل الناس انا عمرى فى حياتى مكانت علاقتى باى حد وحشه وفى الاخر هما زمايلى " ثم انهى لقائه بشكره لجمهوره على دعمه وشكره لليوم السابع على متابعته له دائما.