"خرجوا_الخطيب_يتعالج".. حملة على مواقع التواصل تطالب "الداخلية" بإنقاذ أحمد الخطيب من "الحشرة القاتلة" (صور)

بعدما تدهورت الحالة الصحية للشاب المعتقل أحمد الخطيب الطالب بجامعة مصر للعلوم بقسم التكنولوجيا، والذي ما زال يقضى عقوبة السجن لمدة 10 سنوات، دشن نشطاء مواقع التدوينات القصير "تويتر"، اليوم الأربعاء، هاشتاج يحمل اسم "خرجوا_الخطيب_يتعالج"، مطالبين باستكمال علاجه خارج السجن.
وكتبت "فاطمة الخطيب"، شقيقة أحمد، منشور على حسابها بموقع التواصل الاجتماعي "فيسبوك"، "الجديد عن أحمد الخطيب، الدكاترة بتوصي بالمسح في المنطقة اللي مر أحمد عليها في السجون المسح ده عبارة عن كشف علي كل اللي موجود في الأماكن اللي مر فيها أحمد وتعقيم الأماكن ده لأن وارد جدًا تكون الحشرة اللي أصابت أحمد تكون دخلت جسم حد تاني في المنطقة اللي كان فيها أحمد. إن كان ظابط أو مسجون".
وتابعت: "اكتشفنا إن أحمد مريض بالليشمانيا الحشوية، المرض دا نادر وفي نفس الوقت مميت لو ماتعالجش في أسرع وقت، التقرير بتاع أحمد مكتوب فيه أن مصاب بالعدوي دي وأن عنده تضخم في الكبد والطحال ولو ماتمش علاجه يؤدي إلي الوفاة.. أحمد محتاج تضامنكم معاه في أنه يتعالج ويتنقل مستشفى في أسرع وقت، أحمد من حقه عفو صحي متنسوش أحمد من دعائكم ومتزهقوش من الكلام عنه أحمد مريض وبيموت، شاركونا التدوين عن أحمد فيس وتويتر الساعة 8 نحاول نوصل صوت أهل أحمد وإن أحمد يستحق الحرية يتعالج تكون أمه معاه وأصحابه ولو مات يبقي في حضنهم".
وعلّقت هدير عسكر: "من 3 سنين أحمد الخطيب كان بيدرس في مجال نادر وعايز يسافر ألمانيا يكمل دراسته، دلوقتي كل أمله ميموتش في السجن".
وعلق "توفيق": "خروجه مش هيكلف عليكم حاجة ولا هتخسروا حاجة، لا أقل هيبرد النار اللي جوا أمه رزقك الله الثبات يا أماه".
وقال "أنين": "أحمد كل ساعة حياته مهددة وحالته بتدهور وزنه وصل 37 كيلو، أحمد محتاج يتعالج".