مواطنون يشتكون من سوء مستوى حفاضات "فاين" رغم ارتفاع أسعارها

الحفاضات شئ أساسي لكل طفل، وهي تمثل جزء لا يستهان به من الميزانية الشهرية لكل بيت، خصوصاً بعد ارتفاع أسعار المنتجات الوقية دون رقيب سواء من قبل وزارة الصناعة، أو التموين، أو جهاز حماية المستهلك.

كما أنها لم تشغل حيز كبير من الاهتمام الإعلامي في ظل الأزمات المتلاحقة التى تلت قرار الحكومة غير المدروس بتحرير سعر الدولار وهو ما أدى لارتفاع أسعار كافة السلع بنسب تجاوزت 100% في بعض الأحيان والتى كان من ضمنها حفاضات الأطفال بمختلف انواعها وأشكالها ومقاساتها.

وأيماناً من "الفجر" بمسئوليتها تجاه المواطنون رأت أن تفرد مساحة لشكاوى المواطنين من ارتفاع أسعار السلع المختلفة وسوء جودتها، على لسان المواطنين انفسهم ومن خلال شكاواهم على الصفحات الرسمية على صفحات الشركات المنتجة لعى مواقع التواصل الاجتماعي.

ورصدت "الفجر" شكوى عدد من المواطنين من سوء خدمة عملاء شركة البردي لصناعة الورق "فاين" وتكرار شكاواهم من بعض أنواع الحفاضات التى تقدمها الشركة خصوصاً بعد رفع أسعارها في الفترة الأخيرة بحجة ارتفاع أسعار الدولار.

تستعرض الفجر بعض الشكاوى التى وردت على الصفحة الرسمية للشركة على موقع التواصل الاجتماعي "فيسبوك"، في إطار رصدنا المستمر لهموم المواطنين.

خدمة عملاء تحرق الدم

قالت منى - إحدى مستخدمات حفاضات "بيبي فاين" في شكوى لها على الصفحة الرسمية للشركة على موقع "فيسبوك"، بكلم المبيعات علشان أعرف سعر الحفاضات بكام رديت واحدة قالتلي ماعرفش السعر و اديتني رقم موبايل اكلمه ... كلمته الرقم مقفول .. رجعت كلمتها سابتني علي الخط (فهمت انها بتحاول تحولنى برقم) المهم الخط اتقفل اتكلمت تانى قولتلها الخط اتقفل سابتني برده من غير ما تقول حاجة و بتحولنى برقم و برده الخط اتقفل لتانى مرة فى وشي !!!

اتكلمت تالت مرة و انا مش مصدقة ان بقالي ربع ساعة علشان بس اعرف سعر المنتج بتاعكو !

وتابعت المستخدمة: "رديت واحدة تانية قولتلها فى ايه !! 3 مرات الخط يتقفل فى وشي كل ده علشان بس اعرف السعر !! قالتلى لا احنا بنحولك بخدمة العملاء و هو تلقائي بعد كذة مرة بيقفل لوحده قلتلها طيب كل ده علي ايه انا عايزة اعرف سعره مرة تديى رقم مقفول و مرتين توصليني ب خدمة عملاء و مابيردوش و يتقفل فى وشي !! قالتلى ماعيش اسعار خدمة العملاء هى المسئولة عن البيع و الشراء و هما مش موجودين النهاردة !!"

و اما هما مش موجودين النهاردة بتوصليني كنتي ب مين من شوية ؟!!!!!! بالهواء !!! بكل قلة ذوق بتقولي هتتعصبي و تعلي صوتك ماينفعش !!

واختتمت أنا غلطانة انى كنت بستعمل المنتج بتاعكوا اصلا (اللي هوكمان غلي من غير لازمة ) هروح اجيب الاغلي منكم بس ماتعملش معاكوا تاني !

"اللزقة بتفك"

وأضافت أمل: "هى فعلاً جميلة وبتفضل فعلا طول الليل بس فيها مشكلة مقاس 4 اللزقة بتتقطع على طول يا اما وانا بربطها يا اما تفك وهى عليه".

و تساءلت ماهي: "ليه الحفاضات مفهاش المادة اللي بتحول البلل لجل بنتي علي طول مبلولة وانا فعلا نفسي اشتري المصري واستمر عليه بس انا للاسف مستنية العبوة تخلص بفارغ الصبر و هجرب ماركة تانية ياريت تهتمو بالتطوير عشان نقدر احنا كمان نساعدكم و نساعد البلد تقوم مولفيكس لما الناس اشتكت علي طول طورو المنتج و ريحو الناس بلاش نقول المصري اي كلام اتمني حد يشوف كلامي ده ويهتم".

غلاء الأسعار

وشكت فرح، من غلاء أسعار حفاضات بيبي فاين قائلة: "أما اجيب مقاس 3 من اسبوع والقيه ب54 ج.م واجي بعد اسبوع اجيبه القيه بقا ب63 ج.م يبقا ده ايه حرام لازم رقابه ارجوكم كده مينفعش هتتحاسبوا علي ده والله".

واتفقت معها نور قائلة: "بجد الأسعار بقا استهبال جدا كل يوم بسعر حرام عليكو بجد ياريت تتحدو السعر علي العبوه بدل ما التاجر بيبع ويشتري فينا".

الحفاضات بتسرب

وعلقت دعاء: "حرام عليكوا وآلله، يا ريتني ما اشتريت علبتين عمال يسرب.وكل شويا اغير في بنطيل. انا عايزة فلوسي وخدوا فاين بيبي بتعكوا".

وقالت أم أسر: "حفاضات زفت انا جبت 2باكت استخدمت واحده بتغرق لبس ابنى الى فوق ةالى تحت انا عمرى ماشفت حفاضه اسوا من دى وكمان سعرهارفع انا جيبها ب110 ومش عارفه اعمل ايه فى الباكت الى عندى".