الدغيدى عن "تامر أمين": يظهر فى الإعلام بشخصية مختلفة عن حقيقته

علقت المخرجة إيناس الدغيدى، على تصريح الإعلامى تامر أمين بأنها "تحب الحديث فى الجنس" قائلة: "أنا مش بتكلم عن الجنس هما اللى بيسألونى، وبقول رأيى بصراحة وفى الآخر بيزعلوا".
واضافت خلال لقائها فى برنامج "المتوحشة" على قناة "النهار" قائلة: شخص يعمل فى الإعلام لا أحب أذكر اسمه، قالى لازم تطلعى فى البرامج عشان احنا بنشتغل على تصريحاتك، أما كلام تامر هو دائما يدعى شخصية مش بتاعته وهو صاحبى وعارفاه، هو بيظهر فى الاعلام بصورة وفى الواقع هو رجل طبيعى، احنا صحابة ويطلع فى البرنامج يتكلم علينا، فى ناس تتكسب من افكار مش حقيقية".
وتابعت قائلة: "لا اشاهد برنامج تامر لانه مستفز للناس، وكمان انا عارفة شخصيته ولما بشوف شخصية تانية على الشاشة، مش بشوف صدق فى الكلام وده سبب امتناعى عن مشاهدته، لان واخد على الشاشة شكل والواقع شكل تانى، وواجهته وقولت له متبنيش مجدك على اصحابك".