حب على النت!!

السلام عليكم ورحمة الله وبركاته .. أنا عندي مشكله مش عارفه أعمل إيه؟ ومش عارفه هتنجح ولا هتفشل؟ المشكلة هي:
أنا لسه طالبة داخله أولة ثانوي تعرفت على أولاد من النت (بس كنت داخله فضول مش اكتر مع العلم اني عمري ماكلمت ولد ولا كان ليا في الحاجات دي ومتدينة وعارفه ربنا ومتفوفه في دراستي وناجحة في حياتي والناس بتحبني وبتحترمني جدا) المهم عرفت شخص (انا مش عايشه في مصر في بلد عربيه وهو في مصر وتقريبا اكبر مني بعشر سنين واتعرفت عليه من النت وبقالنا 6 شهور مع بعض) واتطور الموضوع بنا و اتعلقت بيه وهو كمان. وحبينا بعض – حكالي عنه وعن أهله وشغله وكل حاجه- وفي مره طلبت منه يفتح الكاميرا عشان اشوفه ( انا شوفته بس في صور وطلعت مش صوره ) فطلبت منه كده كان بيتهرب اكيد قعد يفكر وبعدين صارحني وقالي أنها مش صوره وقالي: هتكملي معايا ؟ قولته: عايزه اشوفك قالي هتكملي الأول ولا لا ؟ قولته هكمل وسمحته المهم شوفته ( كل ده على النت) هو كان ساعات- يتكلم معايا في الجنس وكده وقالي حاجات كتير ما كنتش اعرفها- وبعد ما كنت اتكلم معاه بحس بتانيب الضمير واني بعصي ربنا ( وانا محجبه بس قدامه بيضغط عليا بقلع الحجاب) انا مش عارفه اعمل ايه حاسه إن حياتي اتلخبطت واني الأول كنت مستريحه ؟؟؟؟ وكمان بقعد أفكر كتير اوي هو الكلام الي بيقوله صح ولا لا ( خصوصا بعد ما كدب عليا) ساعات اقول لا مش بيضحك عليا ووعدني باننا لبعض .في يوم قولتله انا هقول لماما قالي : كويس قوليلها . فقولتله صور بطاقتك الشخصيه فتعصب عليا وقعدنا أسبوع مش بنكلم بعض المهم رجعلي وقالي أحنا كده كويسين ورجعنا لبعض تاني وقالي ما تفتحيش في موضوع البطاقه دي تاني
(انا ماقولتش لماما وبعد الي عمله ما قدرتش أقولها انا كنت عايزه حاجه تاكدلي كلامه عن نفسه مش أقولها وتقولي عرفتي منين ساعتها هقولها ايه ) لاني حكتلها علي قصتي معاه بس على انها قصة واحده صاحبتي وقالتلي المفروض تقول لمامتها او اي حد في مصر ويقابله وقالت حاجات تانيه كتير . انا ليا صحبات بحكيلهم مش بيايدوني وبينصحوني باني اصلا ما كلمش ولد وان ده غلط ( هما بينصحوني عشان بيحبوني وخايفين عليا) وانا دلوقتي مش عارفه اعمل ايه ؟؟ أكمل ولا لا ؟؟ اتصرف ازاي وانا في نفس الوقت مش عايزه اسيبه مقدرش عشان بحبه ؟ ؟؟ مع العلم أن امي حاليا في مصر اجازه ولو قولتلها ممكن تقابله او ديكبر الموضوع ؟؟؟ ياريت تردي عليا انا بجد مش عارفه اعمل ايه ؟ وشكرا ليكم بجد على الفضفضة
صديقتنا العزيزة
أعلمي انك عندما يصبح عندك ما تخفية ولا تستطبعي الافصاح عنه أنك ترتكبي شيء خاطئ , أما بعد فهذا الشخص غير صريح ومن الواضح أنه يكذب عليك في كل شيء بدليل أنه لم يوافق على ارسال بطاقته الشخصية وهنا بداية الخطر الذي لابد من تجنبه تمامًا حتى لا تتمادي في الخطء أكثر من ذلك وتجنبي التحدث معه نهائيًا أعلم أن الأمر صعب في بدايته ولكن حان الوقت إلى أن تنظري للأمور بعقلك وتعلمي أن هذا الطريق سيأخذك إلى طريق مظلم لا تستطيعي النجاه منه إذا تماديتي فيه.
وأخيرًا لابد لك من معين وخير من تستعيني به هو الله فتوبي إلى الله واعزمي على عدم عودتك لفعل هذا الأمر وحافظي على عبادتك وعليك بسيد الاستغفار"اللهم أنت ربي لا إله إلا أنت خلقتني وأن عبدك وأنا على عهدك ووعدك ما استطعت أبوء لك بنعمتك على وأبوء بذنبي فأغفر لي فإنه لا يغفر الذنوب إلا أنت"