الرداد: "الحديث عنى وإيمى"قلة زوق".. وياريت الاقى واحدة نص أمى"

اكد الفنان حسن الرداد، انه ليس متردد فى الزواج، حيث انه يتمنى الزواج مبكرا، وبخاصة ان والده تزوج فى سن صغير ايضا، الا ان ظروف الحياة سبب عدم زواجه حتى الوقت الحالى.
وكشف خلال لقائه فى برنامج "واحد من الناس" مع الاعلامى عمرو الليثى، على قناة "الحياة" قائلا: "اعشق فكرة الاسرة، لكن الظروف اللى مريت بها من موت اخويا وبعدها والدى، ثم ذهابى الى القاهرة عشان امثل، خلتنى مقدرش اتجوز عشان بشوف مستقبلى وهذة المهنة ليست لها ضمانات".
وتابع: "ليس الأمر مسألة مواصفات معينه، ياريت الاقى واحدة نص امى، وبخاصة ان فكرة امهات زمان اصبحت غير موجودة فى الجيل الحال، يعنى الطاقة القوية والعطاء الرهيب لامهات زمان مش موجود دلوقت".
وعن شائعات ارتباطه مع الفنانة إيمى سمير غانم رفض الرداد الحديث عن هذا الامر، حيث قال: "مش عايز اتكلم فى الموضوع دة، لان الناس اتكلمت فيه كتير جدا، ومعندهمش حق واصبح موضوع مضايقنى وبقى زيادة عن اللزوم، التدخل فى حياة الانسان تصل لمرحلة قلة الزوق، لكن عشان انسان مشهور وشخصية عامة بيخليهم يتدخلوا فى الامور الشخصية، وتناقل الخبر دة فى وسائل الاعلام وصل لمرحلة قلة الذوق لان سنة كامله بيتكلموا فى نفس الموضوع، وانا رديت قبل كدة ومش هرد تانى".
وااضاف قائلا: "اللى بيسالنى فيه بقيت اسيبوا وامشى، انا رافض التدخل فى الموضوع دة، ولو عندى حاجة هقولها"، مشيرا الى ان هناك كيمياء كبيرة بينه وايمى فى العمل، كما نفى ان تكون هذة الشائعات اثرت على علاقتهما فى العمل.