بالفيديو.. هكذا وصف أمير طعيمة أصدقائه النجوم "الهضبة والكينج وشيرين وأنغام والديفا"

كشف الشاعر أمير طعيمة، عن رأيه ووصفه لعدد كبير من أصدقائه من نجوم الفن، وذلك خلال فقرة تم تنفيذها ضمن تكريمه فى "الفجر الفنى".
وقال طعيمة "شيرين من أفضل الأصوات فى تاريخ الأغنية العربية، وأنغام من أكتر المطربات اشتغلت معاهم وبينا كيميا مش طبيعية ومن أفضل الأصوات فى تاريخ الأغنية العربية..سميرة سعيد بتعامل معاها من زمان جدا وبإذن الله الالبوم الجاى فى تعامل ..جنات صوت رائع جدا وعامل أغنية واحدة مهمة جدا فى ألبومها الجديد..محمد فؤاد ابن البلد الجدع وأثبت الصورة اللى انا كنت راسمها..تامر حسنى من أكتر المطربين اللى شفتهم إجتهادا مش بينام خالص الله أكبر ماشاء الله عنده طاقة وطول الوقت سبب نجاحه مش بيفكر أى حاجة غير شغله".
وتابع كلامه قائلا: "محمد حماقى أخويا مش صاحبى عشرة عمر وبعيدا عن فنيا حماقى موهبته وأعماله بتتكلم عنه.. عمرو دياب صاحب فضل عليا فرحنى جدا الفترة اللى اشتغلت معاه فيها وأغنية العالم الله اترجمت بكل اللغات..محمد منير الكينج شخص مهتم بالشأن العام وبيحب الفن نفسه الفن حياته بيحب بلده أكتر حد متواضع تقابله فى حياتك ومحافظ على جمهوره ورسالته وعلى المستوى الشخصى أمتع وقت".
وعن أمير طعيمة ورامى جمال وتامر حسين ودنيا سمير غانم رد قائلا: "رامى جمال ابنى فنيا وفى ألبومات عاملها كلها على مشواره الفنى ده 25أغنية".
وأضاف: تامر حسين، شاعر مجتهد الفترة اللى فاتت كل فترة أحسن وبيطور من نفسه ومحترم جدا وطيب جدا..ايمن بهجت قمر من أهم الشعراء فى تاريخ مصر..دنيا سمير غانم أكتر حد واثق فيا مش بتشتغل مع حد غيرى حتى مسلسلاتها بتتراتها".